2 Myghternedh 11:15 - An Bibel Kernewek 20234 (Kernewek Kemmyn)

¹⁵ Ena Yehoyada an oferyas a worhemmynnis an gaptenyon o settys war an lu, ‘Drewgh hi yn-mes ynter an renkow ha ladha gans an kledha an re a dheu war hy lergh.’ Rag an oferyas re lavarsa, ‘Na vedhes hi ledhys yn chi an Arloedh.’

2 Myghternedh 11:15 ပူးပေါင်းရင်းမြစ်များ

2 Myghternedh 11:14

Hi a viras, hag otta an myghtern ow sevel ryb an goloven, herwydh usadow. An bennsevigyon ha'n hirgernysi esa ryb an myghtern, hag yth esa oll pobel an pow ow lowenhe, ha seni hirgern. Athalia a skwardyas hy dillas ha kria, ‘Trayturi! Trayturi!’

2 Myghternedh 11:16

I a settyas dalghenn ynni; hi a dheuth dre Yet an Vergh yn chi an myghtern, hag ena hi a veu ledhys.

2 Myghternedh 11:4

Y'n seythves blydhen Yehoyada a elwis kaptenyon an kansow, Karysi ha korfwythysi, ha'ga dri dhodho yn chi an Arloedh, ha gul kevambos gansa, ha'ga gorra yn-dann di yn chi an Arloedh, ha diskwedhes dhedha mab an myghtern.

2 Kroniklys 23:14

Yehoyada an oferyas a dhannvonas yn-mes kaptenyon an kansow o settys war an lu, ow leverel dhedha, ‘Doro hi yn-mes ynter an renkow; pypynag a's hol yw dhe vos ledhys gans an kledha.’ Rag an oferyas a leveris, ‘Na's ladh yn chi an Arloedh.’

2 Kroniklys 23:9

Yehoyada an oferyas, a ros dhe gaptenyon an kansow an guwow ha'n skoesow ha'n boklers re bia dhe vyghtern Davydh, esens yn chi Duw;

Eksodus 21:14

Mes den mar omsett der entent war dhen arall rag y ladha gans gil, ty a wra y gemmeres dhiworth ow alter may farwo.

Ezekiel 21:14

Ytho ty, A vab den, profoes; tak palv orth palv. Gas an kledha dhe weskel diwweyth, teyrgweyth; kledha rag an re ledhys yw, kledha bras an ladhva, usi oll a-dro dhedha.

Ezekiel 9:7

Ena yn-medh ev dhedha, ‘Defolewgh an chi ha lenwewgh an klosyow a'n re ledhys. Kewgh!’ Ytho i eth dhe-ves ha gweskel y'n sita.

Oberow 21:30

Hag oll an sita a veu movyes, ha'n bobel a fyskas war-barth, hag ow settya dalghenn yn Powl i a'n tennas yn-mes a'n tempel, hag a-dhistowgh an darasow a veu deges.