2 Myghternedh 11:12 - An Bibel Kernewek 20234 (Kernewek Kemmyn)

¹² Ena Yehoyada a dhros mab an myghtern yn-rag, ha gorra an gurun warnodho, ha ri dhodho an dustuni. I a'n gwrug myghtern, ha'y untya; hag i a dakyas diwla, ha leverel, ‘Re vewo an myghtern!’

2 Myghternedh 11:12 ပူးပေါင်းရင်းမြစ်များ

2 Samuel 1:10

Ytho my a sevis a-ughto, ha'y ladha, drefenn ow bos sur na ylli bewa wosa ev dhe goedha. My a gemmeras an gurun esa war y benn, ha'n breghellik esa war y vregh, ha my re's dros omma dhe'm arloedh.’

2 Samuel 12:30

Ev a gemmeras kurun aga myghtern dhiworth y benn; ha'y foes o talent a owr, hag yth esa ynni men drudh; ha hi a veu gorrys war benn Davydh. Ynwedh ev a dhros yn-mes preydh an sita, kals bras.

2 Samuel 16:16

Ena pan dheuth Hushay an Arkyas, koweth Davydh, dhe Absalom, Hushay a leveris dhodho. ‘Re vewo an myghtern, re vewo an myghtern!’

2 Samuel 2:4

Ena gwer Yuda a dheuth, hag eno i a untyas Davydh myghtern war ji Yuda. Pan dherivsons orth Davydh, ‘An re a ynkleudhyas Sowl o gwer Yabesh-gilead’,

2 Samuel 2:7

Lemmyn bedhes krev agas diwleuv, ha bedhewgh kolonnek; rag Sowl agas arloedh yw marow, ha chi Yuda re'm untyas myghtern warnedha.’

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

1 Myghternedh 1:25

Rag ev yw gyllys yn-nans hedhyw, ha re ladhas oghen ha bualyon peskys ha deves pals, ha re elwis oll mebyon an myghtern, ha kaptenyon an lu, hag Abiathar an oferyas; hag, otta, i a dheber hag eva a-ragdho, ha leverel, “Re vewo myghtern Adoniya.”

1 Myghternedh 1:34

Ha gesewgh Sadok an oferyas ha Nathan an profoes dh'y untya ena avel myghtern dres Ysrael. Ena hwythewgh an hirgorn, ha leverel, “Re vewo myghtern Solomon!”

1 Myghternedh 1:39

Sadok an oferyas a gemmeras korn an oyl yn-mes a'n tylda hag a untyas Solomon. Ena i a hwythas an hirgorn; hag oll an bobel a leveris, ‘Re vewo myghtern Solomon!’

1 Myghternedh 2:44

Ynwedh an myghtern a leveris dhe Shimei, ‘Ty a woer y'th kolonn oll an drog a wrussys dhe Davydh ow thas; ytho an Arloedh a attal dha dhrog war dha benn dha honan.

2 Myghternedh 11:11

an gorfwithysi a sevis a-dro dhe'n myghtern, pub gour gans y arvow yn y leuv, war bub tu a'n chi a gledhbarth an chi dhe'n dhyghowbarth, a-dro dhe'n alter ha'n chi.

2 Myghternedh 11:2

Mes Yehosheba, myrgh myghtern Yehoram, hwoer Ahazia, a gemmeras Yoash mab Ahazia, ha'y ladra dhiworth kres mebyon an myghtern esa ow pos ledhys; hi a'n gorras, ev ha'y vammeth, yn chambour gweli, kudhys a-dhiworth Athalia ma na ve ledhys.

2 Myghternedh 11:4

Y'n seythves blydhen Yehoyada a elwis kaptenyon an kansow, Karysi ha korfwythysi, ha'ga dri dhodho yn chi an Arloedh, ha gul kevambos gansa, ha'ga gorra yn-dann di yn chi an Arloedh, ha diskwedhes dhedha mab an myghtern.

2 Myghternedh 9:13

Ena i a fistenas ha pubonan a synsis y dhillasenn ha'y lesa yn-danno war an grisyow lomm, ha seni hirgern, ow leverel, ‘Yehu yw myghtern’.

2 Myghternedh 9:3

Ena, kemmer an kostrel a oyl ha'y diveri war y benn, ha leverel, “Yndellma y lever an ARLOEDH: My re'th untyas myghtern war Ysrael.” Ena igor an daras ha fia, na worta.’

2 Kroniklys 23:11

Ena i a ledyas mab an myghtern yn-mes, hag a worras an gurun warnodho, hag i a ros dhodho an dustuni, ha'y wul myghtern. Yehoyada ha'y vebyon a'n untyas hag i a armas, ‘Re vewo an myghtern!’

Ester 2:17

Ha'n myghtern a garas Ester dres oll an benynes, ha hi a gavas gras ha favour a-ragdho moy ages oll an gwyrghesow; ytho ev a settyas an tulyfant ryel war hy fenn, ha'y gul myghternes yn le Vashti.

Ester 6:8

bedhes kyrghys dillas ryel re wiskas an myghtern, ha'n margh may farghogas an myghtern, mayth eus kurun ryel settys war y benn,

Salmow 132:18

Y eskerens my a wisk gans meth, mes warnodho y fydh y gurun ow splanna.’

Salmow 21:3

Rag ty a a-dheragdho gans bennathow dader; ty a worr kurun a owr fin war y benn.

Salmow 21:4

Ev a wovynnas bewnans orthis, ha ty a'n ros dhodho, dydhyow hir bys vykken ha bynnari.

Salmow 47:1

Takyewgh diwleuv, hwi boblow oll; kenewgh dhe Dhuw gans lev lowender.

Salmow 78:5

Rag ev a fastyas dustuni yn Yakob, hag a ros lagha dhe Ysrael a worhemmynnis dh'agan tasow, ma's deriffens orth aga fleghes;

Salmow 89:39

Ty re skonyas an kevambos gans dha was; ty re dhefolas y gurun, orth hy thewlel dhe'n dor.

Salmow 98:8

Takyes an livow diwleuv; garmes an menydhyow war-barth yn lowen

Eksodus 25:16

Hag y'n argh ty a wra gorra an dustuni a rov dhis.

Eksodus 31:18

Ha wosa gorfenna kewsel ganso war venydh Sinay, ev a ros dhe Moyses diw leghenn an dustuni, leghennow a ven, skrifys gans bys Duw.

Ysay 55:12

Rag yth ewgh yn-mes yn lowender, ha bos hembrenkys yn kres; an menydhyow ha'n breow a arm a-ragowgh gans joy, hag oll gwydh an gwel a dak diwleuv.

Ysay 8:16

Kolm an dustuni, sel an dyskans yn mysk ow dyskyblon.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Kynvannow 4:20

Untys an Arloedh, anall agan dewfrik, a veu kechys yn aga antylli, may leversyn anodho ‘Yn-dann y skeus y fewyn ni yn mysk an kenedhlow.’

Daniel 3:9

I a gewsis ha leverel dhe Nebukadnessar an myghtern, ‘A vyghtern, re vewi bys vykken!

Daniel 6:21

Ena y leveris Daniel dhe'n myghtern, ‘A vyghtern, re vewi bys vykken!

Matthew 21:9

Ha'n routhow esa ow mos a-ragdho, ha'n re a'n siwya a armas ow leverel, ‘Hosanna dhe Vab Davydh, Benniges yw neb a dheu yn hanow an Arloedh, Hosanna y'n ughelder!’

Matthew 27:29

hag a blethas kurun a spern ha'y gorra war y benn ha korsenn yn y leuv dhyghow, hag ow koedha war benn-dewlin a-dheragdho, i a wrug ges anodho ow leverel, ‘Hayl, Myghtern an Yedhewon!’

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

2 Korinthianys 1:21

Mes Duw yth yw neb a'gan gwra fyrv genowgh yn Krist, ha neb re'gan untyas,

Ebrowyon 1:9

Ty re garas ewnder ha kasa anlaghedh; yndella Duw, dha Dhuw, re'th untyas gans oyl lowender dres dha geskowetha.’

Ebrowyon 2:9

Mes ni a wel Yesu, neb a veu gwrys nebes isella ages an eledh, lemmyn kurunys gans golewder hag enor dre wodhevel mernans, may tastya mernans rag pub huni, dre ras Duw.

Diskwedhyans 19:12

Ha'y dhewlagas o kepar ha tan ow flammya, ha war y benn yth esa lies diadem; ha hanow skrifys a'n jevo na wodhya denvyth marnas ev y honan.

1 Samuel 10:1

Ena Samuel a gemmeras kostrel a olew, ha'y dhiveri war y benn, hag amma dhodho, ha leverel, ‘A ny wrug an Arloedh dha untya dhe vos rewler war y ertach?

1 Samuel 10:24

Yn-medh Samuel dhe oll an bobel, ‘A'n gwelowgh, neb a wrug an Arloedh y dhewis? Rag nyns eus y bar yn mysk oll an bobel.’ Ha'n bobel oll a grias, ‘Re vewo an myghtern!’

1 Samuel 16:13

Ena Samuel a gemmeras korn an oyl, ha'y untya yn mysk y vreder; ha spyrys an Arloedh a dheuth war Davydh, a-dhiworth an jydh na alena rag. Ena Samuel a sevis ha mones dhe Rama.