2 Myghternedh 10:35 - An Bibel Kernewek 20234 (Kernewek Kemmyn)

³⁵ Yehu a goskas gans y dasow, hag i a'n ynkleudhyas yn Samaria. Ha Yehoahaz y vab a reynyas yn y le.

2 Myghternedh 10:35 ပူးပေါင်းရင်းမြစ်များ

2 Samuel 7:12

Ha pan vydh dha dhydhyow kollenwys, ha ty a wrowedh gans dha dasow, my a dhrehav dha has war dha lergh, neb a dheu a'th korf, ha my a fast y vyghterneth.

1 Myghternedh 1:21

Poken y hwyrvydh, pan gosk ow arloedh an myghtern gans y dasow, my ha'm mab Solomon dhe vos reknys avel drogoberoryon.’

1 Myghternedh 14:20

An termyn may reynyas Yeroboam o diw vlydhen warn ugens; ena ev a goskas gans y dasow, ha'y vab Nadab a dheuth war y lergh.

1 Myghternedh 14:31

Rehoboam a goskas gans y dasow hag a veu ynkleudhys gans y dasow yn sita Davydh. Hanow y vamm o Naama an Ammonyades. Y vab Abiyam a dheuth war y lergh.

1 Myghternedh 2:10

Ytho Davydh a goskas gans y dasow, hag a veu ynkleudhys yn sita Davydh.

2 Myghternedh 10:30

An Arloedh a leveris dhe Yehu, ‘Drefenn ty dhe wul yn ta dre gollenwel an pyth yw ewn y'm dewlagas, ha dhe dhyghtya chi Ahab herwydh pup-tra esa y'm kolonn, dha vebyon a'n peswora henedh a esedh war dron Ysrael.’

2 Myghternedh 10:34

Gweythresow erell Yehu, ha pup-tra a wrug, hag oll y nerth, a nyns yns i skrifys yn lyver kovadhow myghternedh Ysrael?

2 Myghternedh 10:36

An termyn may reynyas Yehu war Ysrael o eth blydhen warn ugens.

2 Myghternedh 13:1

Y'n tressa blydhen warn ugens a vyghtern Yoash mab Ahazia myghtern Yuda, Yehoahaz mab Yehu a dhallathas reynya war Ysrael yn Samaria, hag ev a reynyas seytek blydhen.

2 Myghternedh 13:9

Yehoahaz a goskas gans y dasow hag i a'n ynkleudhyas yn Samaria; ha Yehoash y vab a reynyas yn y le.