2 Myghternedh 10:30 - An Bibel Kernewek 20234 (Kernewek Kemmyn)

³⁰ An Arloedh a leveris dhe Yehu, ‘Drefenn ty dhe wul yn ta dre gollenwel an pyth yw ewn y'm dewlagas, ha dhe dhyghtya chi Ahab herwydh pup-tra esa y'm kolonn, dha vebyon a'n peswora henedh a esedh war dron Ysrael.’

2 Myghternedh 10:30 ပူးပေါင်းရင်းမြစ်များ

1 Myghternedh 20:42

Ena ev a leveris dhodho, ‘Yndellma y lever an Arloedh, “Drefenn ty dhe asa dhe dhiank an gour neb a apoyntis dhe dhistruans, ytho dha vewnans a vydh rag y vewnans, ha dha bobel rag y bobel.” ’

1 Myghternedh 21:22

ha my a wra dha ji haval dhe ji Yeroboam mab Nebat, ha haval dhe ji Baasha mab Ahiya, drefenn ty dhe'm brovokya dhe sorr ha gul dhe Ysrael pegha.

1 Myghternedh 21:29

‘A welsys fatell uvelhas Ahab y honan a-ragov? Drefenn ev dhe uvelhe y honan a-ragov, ny dhrov terroes yn y dhydhyow; mes yn dydhyow y vab my a dhre terroes war y ji.’

2 Myghternedh 10:35

Yehu a goskas gans y dasow, hag i a'n ynkleudhyas yn Samaria. Ha Yehoahaz y vab a reynyas yn y le.

2 Myghternedh 13:1

Y'n tressa blydhen warn ugens a vyghtern Yoash mab Ahazia myghtern Yuda, Yehoahaz mab Yehu a dhallathas reynya war Ysrael yn Samaria, hag ev a reynyas seytek blydhen.

2 Myghternedh 13:10

Y'n seytegves blydhen warn ugens a Yoash myghtern Yuda Yehoash mab Yehoahaz a dhallathas reynya war Ysrael yn Samaria, hag ev a reynyas hwetek blydhen.

2 Myghternedh 14:23

Y'n pymthegves blydhen a Amasia mab Yoash myghtern Yuda, Yeroboam mab Yoash myghtern Ysrael a dhallathas reynya yn Samaria, ha reynya unn vlydhen ha dew-ugens.

2 Myghternedh 14:29

Yeroboam a goskas gans y dasow, gans myghternedh Ysrael; ha Zekaria y mab a reynyas yn y le.

Hosea 1:4

An Arloedh a leveris dhodho, ‘Hanw e Yezreel, rag hwath pols byghan kessydhya a wrav chi Yehu drefenn ladhva Yezreel, ha gorra diwedh dhe vyghterneth chi Ysrael.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.