2 Myghternedh 10:27 - An Bibel Kernewek 20234 (Kernewek Kemmyn)

²⁷ Ena i a vrewis peulven Baal, ha distrui tempel Baal, ha gul anodho kawghti, bys y'n jydh hedhyw.

2 Myghternedh 10:27 ပူးပေါင်းရင်းမြစ်များ

Daniel 3:29

[95] My a dhyllo gorhemmynn: pub pobel, pub kenedhel ha pub taves neb a gews erbynn Duw Shadrak, Meshak hag Abednego, a vydh hakkys dhe demmyn, ha'y ji a vydh treylys dhe vern teyl; rag nyns eus Duw nahen neb a yll delivra yndellna.’

Daniel 2:5

An myghtern a worthybis dhe'n Kaldeanys ow leverel, ‘An mater re beu ervirys genev: mar ny'm gwrewgh dhe gonvedhes an hunros ha'y styr, y fydhowgh hakkys dhe demmyn, ha'gas chiow a vydh treylys dhe vern teyl.

Ezra 6:11

Ynwedh, my re dhellos arghadow, piwpynag a janchyo an ordenans ma, bedhes prenn tennys yn-nans a'y ji, ha bos settys yn-bann, ha bedhes ev kregys warnodho ha bedhes y ji gwrys teylek.

1 Myghternedh 16:32

Ev a dhrehevis alter rag Baal yn chi Baal, hag a dhrehevis yn Samaria.

2 Myghternedh 18:4

Ev a gemmeras an tylleryow ughel yn-mes, ha terri an peulveyn, ha treghi yn-nans an Ashera, ha brewi an sarf a vrons re wrussa Moyses, rag bys y'n dydhyow na yth esens fleghes Ysrael ow leski offrynnow dhedhi; henwys veu Nehushtan.

Dewteronomi 7:25

Imajys gravys aga duwow a leskowgh dre dan. Na dhesir an arghans na'n owr usi warnedha na'y gemmeres ragos, rag own ty dhe vos maglennys ynno, rag ev dhe vos kasadow dhe'n Arloedh dha Dhuw.

Dewteronomi 7:5

Mes yndella y hwrewgh dhedha: hwi a derr dhe'n dor aga alteryow, ha brewi aga feulveyn, ha treghi aga Asherim, ha leski aga imajys gravys gans tan.

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

2 Myghternedh 10:28

Yndella y hwrug Yehu distrui Baal yn-mes a Ysrael.

2 Myghternedh 11:18

Oll pobel an pow eth yn chi Baal ha'y derri dhe'n dor; i a vrewis y alteryow ha'y imajys yn temmigow, ha ladha Mattan, oferyas Baal, a-rag an alteryow. Ena Yehoyada an oferyas a settyas gwithysi war ji an Arloedh.

Eksodus 34:13

Ty a derr dhe'n dor aga alteryow, ha terri dhe demmyn aga feulveyn, ha treghi aga Asherim,

2 Myghternedh 3:2

Ev a wrug drog yn golok an Arloedh, mes nyns o kepar dell wre y das ha'y vamm. Ev a dhileas peulven Baal re wrussa y das.