2 Myghternedh 10:25 - An Bibel Kernewek 20234 (Kernewek Kemmyn)

²⁵ Kettell worfennas gul an offrynn leskys, Yehu a leveris dhe'n korfwithysi ha'n gaptenyon, ‘Kewgh a-ji ha'ga ladha; na skapyes denvyth.’ Hag i a's gweskis gans min an kledha; ha'n withysi ha'n gaptenyon a's tewlis yn-mes. Ena i eth yn sentri pervedhel tempel Baal.

2 Myghternedh 10:25 ပူးပေါင်းရင်းမြစ်များ

1 Myghternedh 18:40

Elias a leveris dhedha, ‘Dalghennewgh profoesi Baal; na esewgh nagonan anedha dhe dhiank.’ Ena i a's dalghennas; hag Elias a's dros dhe nans Kishon, ha'ga ladha ena.

2 Myghternedh 11:18

Oll pobel an pow eth yn chi Baal ha'y derri dhe'n dor; i a vrewis y alteryow ha'y imajys yn temmigow, ha ladha Mattan, oferyas Baal, a-rag an alteryow. Ena Yehoyada an oferyas a settyas gwithysi war ji an Arloedh.

2 Myghternedh 23:20

Ev a ladhas war an alteryow oll oferysi an tylleryow ughel esa ena, ha leski eskern denel warnedha. Ena ev a dhehwelis dhe Yerusalem.

Eksodus 22:20

Piwpynag a offrynno dhe neb duw marnas dhe'n Arloedh, a vydh sakrys dhe dhistruyans.

Eksodus 32:27

Hag y leveris dhedha, ‘Yndellma y lever an Arloedh, Duw Ysrael: “Pub den gorres y gledha war y glun. Kewgh ha dehweles a yet dhe yet der an kamp, ha ledhewgh pub den y vroder, ha pub den y goweth ha pub den y gentrevek.” ’

1 Samuel 22:17

Ha'n myghtern a leveris dhe'n gorfwithysi esa ow sevel a-dro dhodho, ‘Treylyewgh, ha ledhewgh oferysi an Arloedh, drefenn bos aga leuv ynwedh gans Davydh; ha drefenn i dhe wodhvos ev dhe fia, ha ny'n derivsons dhymm.’ Mes ny vynna gwesyon an myghtern ystynn aga dorn dhe goedha war oferysi an Arloedh.