2 Myghternedh 10:15 - An Bibel Kernewek 20234 (Kernewek Kemmyn)

¹⁵ Wosa dhiberth alena ev a vetyas orth Yehonadab mab Rekab ow tos dhe vetya orto; ev a'n salusis ha leverel dhodho, ‘Yw dha golonn len, kepar dell yw ow holonn len dhis?’ Yehonadab a worthybis, ‘Yw.’ ‘Mars yw, roy dhymm dha leuv.’ Hag ev a ros dhodho y leuv; hag ev a'n drehevis dhodho y'n charett.

2 Myghternedh 10:15 ပူးပေါင်းရင်းမြစ်များ

Jenesis 31:55

Ha Laban a sevis myttin a-varr hag amma dh'y vebyon ha'y vyrghes ha'ga benniga; ha Laban eth yn-kerdh ha dehweles dh'y dyller ev.

Jenesis 47:10

Ha Yakob a vennigas Faro ha mos yn-mes dhiworth Faro.

Jenesis 47:7

Ha Yosep a dhros Yakob y das ha'y worra dhe sevel dherag Faro, ha Yakob a vennigas Faro.

1 Myghternedh 20:33

An wer a gonvedhas hemma avel koel da; i a's kemmeras yn uskis a-dhiworto ha leverel, ‘Gwir, Ben-hadad yw dha vroder.’ Ena ev a leveris, ‘Ke dh'y gyrghes.’ Ytho Ben-hadad a dheuth yn charett.

2 Myghternedh 10:13

Yehu a vetyas orth breder Ahazia myghtern Yuda, ha leverel, ‘Piw owgh hwi?’ Hag i a worthybis, ‘Breder Ahazia on; yth eson ow mos yn-nans dhe salusi mebyon an myghtern ha mebyon an vyghternes.’

2 Myghternedh 10:14

Hag ev a leveris, ‘Kemmerewgh i yn few.’ Hag i a's kemmeras yn few ha'ga ladha orth puth Beth-eked, dew ha dew-ugens oll war-barth; ny sparyas denvyth.

2 Myghternedh 9:21

Yoram a leveris, ‘Herness ow charett.’ Ha'y charett a veu pareusys. Ena Yoram myghtern Ysrael hag Ahazia myghtern Yuda eth yn-mes, kettep onan yn y jarett, hag i eth yn-mes erbynn Yehu ha metya orto yn splatt Naboth an Yezreelyas.

1 Kroniklys 2:55

Kordhow skribys trigys yn Yabes: an Tirathysi, an Shimeathysi ha'n Sukathysi. An re ma o an Kenysi, devedhys a Hammath, tas an Rekabysi.

Ezra 10:19

I a ros aga leuv dhe worra a-denewen aga gwragedh; ha rag aga hammweyth i a offrynnas hordh a'n deves avel offrynn kammweyth.

Nehemia 3:14

Yet an Kawgh a veu ewnhes gans Malkia, mab Rekab, an rewler a ranndir Beth-hakkerem. Ev a's dastrehevis ha desedha hy darasow, hy ebilyer, ha'y barrys.

Salmow 94:16

Piw a omdhrehav ragov erbynn an debeles? Piw a sev ragov erbynn an dhrogoberoryon?

Yeremia 35:2

Ke dhe ji an Rekabysi ha kewsel dhedha, ha'ga dri dhe ji an Arloedh, a-ji dhe onan a'n chambouryow, ha ri dhedha gwin dhe eva.

Ezekiel 17:18

Drefenn ev dhe dhispresya an ti, ow terri an kevambos, hag ow ri y leuv, ha gul oll an taklow ma, ny skap.

Oberow 8:31

Hag yn-medh ev, ‘Yn tevri, fatell allav vy, marnas nebonan a'm gittyo?’ Hag ev a bysis Felip mayth yskynno dhe esedha ganso.

Galatianys 2:9

hag ow konvedhes an gras re beu res dhymm, Jamys ha Kefas ha Yowann, hag i an kolovenyow dell dybys, a ros an dhorn dhyghow a gowethyans dhymm ha dhe Barnabas, mayth ellen ni dhe'n Jentilys, hag i aga honan dhe'n dus trodreghys;

Galatianys 4:12

Dewgh ha bos kepar dell ov vy, my a'gas pys, a vreder, ha my a'n keth par ha hwi. Ny wrussowgh hwi kamm vyth dhymm;