2 Myghternedh 10:10 - An Bibel Kernewek 20234 (Kernewek Kemmyn)

¹⁰ Godhvydhewgh lemmyn na goedh dhe'n dor travyth a er an Arloedh, a gewsis an Arloedh a-dro dhe ji Ahab; rag an Arloedh re wrug an pyth a leveris der y was Elias.’

2 Myghternedh 10:10 ပူးပေါင်းရင်းမြစ်များ

1 Myghternedh 21:19

Ty a lever dhodho, ‘Yndellma y lever an Arloedh: A ledhsys, hag ynwedh kemmeres perghennogeth?’ Ty a lever dhodho, ‘Yndellma y lever an Arloedh: Y'n tyller may lapyas an keun goes Naboth, keun a lap dha woes ynwedh.’

1 Myghternedh 21:29

‘A welsys fatell uvelhas Ahab y honan a-ragov? Drefenn ev dhe uvelhe y honan a-ragov, ny dhrov terroes yn y dhydhyow; mes yn dydhyow y vab my a dhre terroes war y ji.’

2 Myghternedh 10:17

Pan dheuth dhe Samaria ev a ladhas peub o gesys dhe Ahab yn Samaria bys pan y's distrusa, herwydh ger an Arloedh a gewsis ev dhe Elias.

2 Myghternedh 15:12

Ambos an Arloedh o hemma, a ros dhe Yehu, ‘Dha vebyon a esedh war dron Ysrael bys y'n peswora henedh.’ Hag yndella y hwarva.

2 Myghternedh 9:36

Ytho i a dheuth arta ha derivas dhodho, hag ev a leveris, ‘Ger an Arloedh yw hemma, a gewsis der y was Elias an Tishbeyas, ow leverel, “Yn tiredh Yezreel an keun a dheber kig Yezebel;

Ester 6:10

Ena yn-medh an myghtern dhe Haman, ‘Gwra fistena, ha kemmeres an dillas ha'n margh, dell leversysta, ha gul yndella dhe Mordekay an Yedhow, usi owth esedha yn yet an myghtern. Na vedhes fowt mann a oll may kewssysta.’

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Mark 13:31

Nev ha nor a dremen dhe-ves, mes ow geryow vy, ny dremenons dhe-ves.

1 Samuel 15:29

Hag ynwedh, ny wra Splannder Ysrael naneyl toella na treylya y vrys.’

1 Samuel 3:19

Ha Samuel a devi yn-bann, hag yth esa an Arloedh ganso, ha ny asas nagonan a'y eryow vyth koedha dhe'n leur.