2 Myghternedh 1:4 - An Bibel Kernewek 20234 (Kernewek Kemmyn)

⁴ Lemmyn ytho yndellma y lever an Arloedh, “Ny wredh diyskynna dhiworth an gweli res ythys dhodho. Merwel a wredh, yn sur.” ’ Hag Elias a omdennas.

2 Myghternedh 1:4 ပူးပေါင်းရင်းမြစ်များ

Jenesis 2:17

Mes a wydhenn an godhvos a dha hag a dhrog ny wre'ta dybri, rag y'n jydh may tybrydh anedhi ty a wra merwel yn surredi.’

Jenesis 3:4

Hag yn-medh an sarf dhe'n venyn, ‘Yn sur, ny wrewgh hwi merwel;

1 Myghternedh 14:12

Ke ytho, ke dhe'th chi dha honan. Pan dheu dha dhewdroes y'n sita, an flogh a verow.

1 Myghternedh 18:2

Ytho Elias eth hag omdhiskwedhes dhe Ahab. An divoetter o sevur yn Samaria.

2 Myghternedh 1:16

Ev a leveris dhodho, ‘Yndellma y lever an ARLOEDH: A-ban dhannvensys kannasow dhe wovynn orth Baal-zebub, duw Ekron, yw drefenn nag eus Duw yn Ysrael? Ny dhiyskynnydh dhiworth an gweli res ythys dhodho. Merwel a wredh, yn sur.’

2 Myghternedh 1:5

Pan dhehwelis an kannasow dhe'n myghtern, ev a wovynnas orta, ‘Prag y tehwelsowgh?’

2 Myghternedh 1:6

‘Den a dheuth dhe vetya orthyn’, a worthybsons, ‘hag ev a leveris dhyn, “Dehwelewgh dhe'n myghtern a'gas dannvonas ha leverewgh dhodho: Yndellma y lever an Arloedh: Yw drefenn nag eus Duw yn Ysrael may tannvonydh kannasow dhe wovynn orth Baal-zebub, duw Ekron? Rakhenna ny wredh diyskynna dhiworth an gweli res ythys dhodho. Merwel a wredh, yn sur.” ’

2 Myghternedh 20:1

Y'n dydhyow na Hezekia eth ha bos klav bys yn eneworres. An profoes Ysay mab Amos a dheuth dhodho, ha leverel dhodho, ‘Yndellma y lever an ARLOEDH: Kempenn dha ji, rag ty a verow; ny vewydh.’

2 Myghternedh 8:10

Elisha a leveris dhodho, ‘Ke ha lever dhodho, “Ty a wra yaghhe yn sur,” mes an Arloedh re dhiskwedhas dhymm may hwra ev merwel yn sur.’

Lavarow Koth 11:19

Neb yw fyrv yn ewnder a vew, mes holya droktra a led dhe ankow.

Lavarow Koth 14:32

An tebelwas yw domhwelys der y dhroktra, mes an den gwiryon a'n jeves harber yn y lander.

Ezekiel 18:4

Otta, oll an enevow yw dhymm; keffrys enev an tas hag enev an mab yw dhymm. An enev a begh a verow.

Niverow 26:65

Rag an Arloedh re lavarsa anedha, ‘I a wra merwel y'n gwylvos.’ Ny veu gesys nagonan anedha, marnas Kaleb mab Yefunne ha Yoshua mab Nun.

1 Samuel 28:19

Ynwedh an Arloedh a re Ysrael war-barth genes a-berth yn leuv an Filistysi; hag a-vorow ty ha'th vebyon a vydh genev; an Arloedh a re lu Ysrael ynwedh a-berth yn leuv an Filistysi.’