2 Myghternedh 1:14 - An Bibel Kernewek 20234 (Kernewek Kemmyn)

¹⁴ Otta, tan re goedhas dhiworth an nev ha gonsumya an kynsa dew gapten a hanter-kansow ha'ga hanter-kans den. Mes lemmyn re bo drudh ow bewnans y'th wolok.’

2 Myghternedh 1:14 ပူးပေါင်းရင်းမြစ်များ

2 Myghternedh 1:13

Arta an myghtern a dhannvonas tressa kapten a hanter-kans. An tressa kapten ma a yskynnas ha mos war dhewlin a-dherag Elias. ‘Gour Duw’, a bysis ev, ‘my a'th pys, re bo drudh ow bewnans ha bewnans an hanter-kans den ma y'th wolok.

2 Myghternedh 1:15

Ena el an Arloedh a leveris dhe Elias, ‘Diyskynn ganso; na borth own anodho.’ Rakhenna ev a sevis ha diyskynna ganso dhe'n myghtern.

Salmow 116:15

Drudh yn golok an Arloedh yw mernans y syns.

Salmow 49:8

Re gostek via daspren y enev, ha ny allses pe henna bynitha,

Salmow 72:14

Ev a bren aga enev dhiworth arwask ha garowder, ha drudh vydh aga goes yn y wolok ev.

Lavarow Koth 6:26

rag y hyllir gobrena hora a dorth-vara, mes gwreg gour arall a breydh poran an enev drudh.

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

1 Samuel 26:21

Ena Sowl a leveris, ‘My re beghas; dehwel, ow mab Davydh, rag ny wrav drog dhis arta, drefenn bos ow bewnans drudh y'th wolok y'n jydh hedhyw. Otta, my re beu foll, ha my re erryas dres eghenn.’

1 Samuel 26:24

Hag, otta, kepar dell veu dha vewnans drudh y'm golok y'n jydh hedhyw, yndella re bo ow bewnans drudh yn golok an Arloedh, ha re'm deliffro yn-mes a oll anken.’