2 Myghternedh 1:10 - An Bibel Kernewek 20234 (Kernewek Kemmyn)

¹⁰ Elias a worthybis dhe'n kapten, ‘Mars ov gour Duw, des tan dhiworth an nev ha dha gonsumya, ty ha'th hanter-kans den.’ Ena tan a goedhas dhiworth an nev ha'y gonsumya, ev ha'y dus.

2 Myghternedh 1:10 ပူးပေါင်းရင်းမြစ်များ

1 Myghternedh 22:28

Mikaya a leveris, ‘Mar tehwelydh yn kres, ny gewsis an Arloedh dredhov.’ Hag ev a leveris, ‘Klewewgh, hwi boblow oll!’

2 Myghternedh 1:11

Arta an myghtern a dhannvonas dhodho kapten arall gans y hanter-kans den. An kapten a leveris dhodho, ‘Gour Duw, an myghtern a lever, “Diyskynn yn skon!” ’

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Job 1:16

Pan esa ev hwath ow kewsel, y teuth onan moy ha leverel, ‘Tan Duw a goedhas dhiworth an nev hag a loskas an deves ha'n servysi, ha'ga howlleski, ha my ow honan re dhienkas rag leverel dhis.’

Salmow 105:15

‘Na dochyewgh an re untys genev, ha na bystigewgh ow frofoesi.’

Salmow 106:18

Ha tan a dardhas yn aga huntelles; an flamm a loskas an debeles.

Daniel 3:22

Yndella, rag bos mall gans arghadow an myghtern, ha rag bos an fornes toemm dres eghenn, flamm an tan a ladhas an wer neb a dhegi Shadrak, Meshak hag Abednego.

Daniel 3:25

[92] Ev a worthybis, ‘Ottena, peswar gour a welav, digelmys, hag ow kerdhes yn mysk an tan, ha nyns yns shyndys; ha semlans an peswora yw haval dhe vab a'n duwow.’

Daniel 6:24

Ha'n myghtern a erghis, ha'n wesyon na re guhudhsa Daniel a veu kyrghys ha tewlys yn fow an lewyon – i, aga mebyon, ha'ga gwragedh; ha kyns i dhe dhrehedhes dhe woeles an fow, an lewyon a's fethas ha terri oll aga eskern dhe demmyn.

Levitikus 10:2

Ha tan eth yn-mes dhiworth an Arloedh ha'ga howlleski, hag i a verwis dherag an Arloedh.

Niverow 11:1

Pan grodhvolas an bobel yn klewans an Arloedh a-dro dh'aga anfeus, an Arloedh a glewas; y sorr a veu enowys, ha tan an Arloedh a loskas yntredha, ha kowlleski nebes rannow pella a'n kamp.

Niverow 16:35

Ha tan a dheuth yn-mes dhiworth an Arloedh, hag a gowlloskas an dhew kans ha hanter kans gour ow profya an ynkys.

Matthew 21:41

Yn-medhons dhodho, ‘Ev a dhistru an debeles na yn hager, ha settya an winlann dhe diogyon erell, neb a vynn ri dhodho an drevas yn hy frys.’

Luk 9:54

Ha pan y'n gwelas y dhyskyblon Jamys ha Yowann, yn-medhons, ‘Arloedh, a vynnydh ni dhe erghi may teffo tan yn-nans dhiworth an nevow ha'ga distrui?’

Oberow 12:19

Ha pan y'n hwilas Herod heb y gavoes, ev a hwithras an withysi ha gorhemmynna may fens gorrys dhe'n mernans; hag ev eth yn-nans dhiworth Yudi dhe Sesarea ha gortos ena.

Ebrowyon 12:29

rag agan Duw yw tan a gowllesk.

Diskwedhyans 11:5

Ha mar mynn nebonan aga fystiga, tan a dheu yn-mes a'ga ganow ha diswul aga eskerens, ha den mar mynn aga fystiga, res yw dhodho bos ledhys yndellma.