2 Myghternedh 1:1 - An Bibel Kernewek 20234 (Kernewek Kemmyn)

¹ Wosa mernans Ahab Moab a rebellyas erbynn Ysrael.

2 Myghternedh 1:1 ပူးပေါင်းရင်းမြစ်များ

2 Samuel 8:2

Ev a fethas Moab ynwedh, hag ev a's gwrug dhe wrowedha war an leur ha'ga musura der an gordenn-vusura; ev a vusuras diw gordenn dhe worra dhe'n mernans, hag unn kordenn leun dhe witha yn few. Hag yndellma Moab eth ha bos gostydh dhe Davydh, ow tri trubyt dhodho.

2 Samuel 8:6

Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

2 Myghternedh 8:20

Yn y dhydhyow Edom a rebellyas erbynn Yuda ha gul aga myghtern aga honan warnedha.

2 Myghternedh 8:22

Edom re beu ow rebellya erbynn Yuda bys y'n jydh ma. Yn kettermyn Libna ynwedh a rebellyas.

1 Kroniklys 18:2

Ev a fethas Moab, ha'n Moabysi a dheuth ha bos gostydh dhe Davydh, ow tri trubyt dhodho.

Salmow 60:8

Moab yw ow seth-golghi; dres Edom y teghesav ow eskis; war Filistia my a arm yn trygh.’

Niverow 24:7

Dowr a wra frosa a-dhiworth y gelern, ha'y has a vydh yn lies dowr, y vyghtern a vydh ughella ages Agag, ha'y ruvaneth a vydh ughelhes.