2 Kroniklys 9:9 - An Bibel Kernewek 20234 (Kernewek Kemmyn)
9 Ena hi a ros dhe'n myghtern hwegh-ugens talent a owr, shour a spisys ha meyn drudh: ny via bythkweth spisys parow dhe'n re a ros myghternes Sheba dhe vyghtern Solomon.
Hag yn-medh Ysrael aga thas dhedha, ‘Mars yw yndella, hemma gwrewgh: Kemmerewgh neppyth a wella askorr an tir yn agas seghyer, ha kemmerewgh ro yn-nans rag an gour, tamm balsam ha tamm mel, spisys ha myrr, pistachys hag alamandow.
Ena hi a ros dhe'n myghtern hwegh-ugens talent a owr, myns meur a spisyow, ha gemmweyth drudh; bythkweth arta ny dheuth an spisyow yn kemmys palster ages an pyth a ros myghternes Sheba dhe vyghtern Solomon.
Pan glewas myghternes Sheba a vri Solomon, hi a dheuth dhe Yerusalem rag ma'n proffa gans govynnow kales, ha gensi koskordh pur vras, kowrvergh ow toen spisyow, ha kals a owr ha meyn drudh. Pan dheuth dhe Solomon, hi a gewsis ganso a bup-tra esa yn hy brys.
Benniges re bo an Arloedh dha Dhuw a'n jevo plesour ynnos hag a'th worras war y dron avel myghtern an Arloedh dha Dhuw. Drefenn an kerensa a'n jeves dha Dhuw rag Ysrael, orth y fastya bys vykken, ev re'th worras warnedha avel myghtern, dhe wul gwirvreus ha gwiryonedh.’
Ha'n Arloedh a leveris dhe Moyses, Kemmer spisyow hweg, stakte, hag onygha, ha galbanum, spisyow hweg gans frankynkys pur (a bubonan anedha y fydh rannow par),