2 Kroniklys 9:21 - An Bibel Kernewek 20234 (Kernewek Kemmyn)

²¹ Gorholyon an myghtern e dhe Tarshish gans gwesyon Hiram; unnweyth pub teyr blydhen gorholyon Tarshish a dho ow toen owr, arghans, dans-olifans, apys, ha payones.

2 Kroniklys 9:21 ပူးပေါင်းရင်းမြစ်များ

1 Myghternedh 10:22

An myghtern a'n jevo lu lestri Tarshish dhe vor gans lu lestri Hiram. Unnweyth pub teyr blydhen lu lestri Tarshish a dho tre, ow tri owr, arghans, dans-olifans, apys ha payones.

1 Myghternedh 22:48

Yehoshafat a wrug gorholyon Tarshish rag mos dhe Ofir rag owr; mes nyns ethons rag bos an gorholyon terrys yn Esyon-geber.

2 Kroniklys 8:18

Hiram a dhannvonas dhodho dre leuv y wesyon y honan, gorholyon ha marners gans prevyans a'n mor. I eth the Ofir war-barth gans gwesyon Solomon, hag a ynporthas alena peswar kans ha hanter kans talent a owr ha'ga dros dhe vyghtern Solomon.

2 Kroniklys 9:20

Pub lester-eva a vyghtern Solomon o a owr hag oll lestri Chi Koes Lebanon o a owr pur; ny veu arghans reknys dhe vos talvosek yn dydhyow Solomon.

Job 39:13

‘Eskelli an strus a flapp yn lowen, mes ny nij strus mar dha avel hwibon.

Salmow 72:10

Re dhrollo myghternedh Tarshish ha'n ynysow trubyt; ha myghternedh Sheba ha Seba dri rohow.

Yeremia 10:9

Arghans mortholys yw dres a-dhiworth Tarshish, hag owr a-dhiworth Ufaz, gweyth an ser, hag a dhiwleuv an teudher; glas ha purpur yw aga gwisk: gweyth an seri sleygh yns.

Ezekiel 27:12

Tarshish o dha gowethyas yn kenwerth, drefenn oll dha rychys a bub eghenn; i a geschanjyas arghans, horn, sten, ha plomm rag dha wara.

Ezekiel 27:15

Mebyon Dedan o dha varchons; yth esa lies arvor ow kenwertha genes; i a dhri dhis dans-olifans hag eboni avel trubyt.

Yona 1:3

Mes Yona a sevis rag fia dhe Tarshish, dhiworth golok an Arloedh. Ev eth yn-nans dhe Yoppa, ha kavoes gorhel ow mos dhe Tarshish. Ytho ev a ros an pris ha mos a-bervedh ynno, mayth ella gansa dhe Tarshish, a-dhiworth golok an Arloedh.