2 Kroniklys 9:2 - An Bibel Kernewek 20234 (Kernewek Kemmyn)

² Solomon a worthybis dhe oll hy govynnow; nyns esa nagonan anedha re gales rag Solomon dh'y styrya dhedhi.

2 Kroniklys 9:2 ပူးပေါင်းရင်းမြစ်များ

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

1 Myghternedh 4:29

Duw a ros dhe Solomon furneth veur, konvedhes ha helder kolonn, kepar ha'n tewes war an vorlann,

2 Kroniklys 9:1

Pan glewas myghternes Sheba a vri Solomon, hi a dheuth dhe Yerusalem rag ma'n proffa gans govynnow kales, ha gensi koskordh pur vras, kowrvergh ow toen spisyow, ha kals a owr ha meyn drudh. Pan dheuth dhe Solomon, hi a gewsis ganso a bup-tra esa yn hy brys.

2 Kroniklys 9:3

Pan welsa myghternes Sheba furneth Solomon, ha'n chi re dhrehevsa,

Lavarow Koth 13:20

Neb a gerdh gans tus fur a dheu ha bos fur, mes koweth an re foll a berth dregynn.

Lavarow Koth 18:4

Geryow ganow gour yw dowrow down, fenten a furneth yw gover ow resek.

Mark 4:11

Hag ev a leveris dhedha, ‘Dhywgh hwi yma grontys kevrin gwlaskor Duw, mes dhe'n re a-ves, pup-tra a dheu dre barabolennow,

Mark 4:34

heb parabolenn ny gewsi orta, mes yn priva ev a styrya pup-tra dh'y dhyskyblon.

Yowann 15:15

Ny wrav agas henwel gwesyon na fella, rag ny woer an gwas pandr'a wra y vester; mes my re'gas henwis kowetha, rag pup-tra a wrug vy klewes a'w Thas my a wrug y dheklarya dhy'hwi.

Kolossianys 2:3

yn neb yma kudhys pub tresor a furneth ha godhvos.

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.