2 Kroniklys 8:18 - An Bibel Kernewek 20234 (Kernewek Kemmyn)

¹⁸ Hiram a dhannvonas dhodho dre leuv y wesyon y honan, gorholyon ha marners gans prevyans a'n mor. I eth the Ofir war-barth gans gwesyon Solomon, hag a ynporthas alena peswar kans ha hanter kans talent a owr ha'ga dros dhe vyghtern Solomon.

2 Kroniklys 8:18 ပူးပေါင်းရင်းမြစ်များ

1 Myghternedh 10:22

An myghtern a'n jevo lu lestri Tarshish dhe vor gans lu lestri Hiram. Unnweyth pub teyr blydhen lu lestri Tarshish a dho tre, ow tri owr, arghans, dans-olifans, apys ha payones.

2 Kroniklys 9:10

Hag ynwedh Hiram ha gwesyon Solomon a dhrosa owr dhiworth Ofir, hag a dhros prenn algum ha meyn drudh.

2 Kroniklys 9:13

Poester an owr a dheuth dhe Solomon a-ji dhe unn vlydhen o hwegh kans talent a owr ha hwegh ha tri ugens,

2 Kroniklys 9:21

Gorholyon an myghtern e dhe Tarshish gans gwesyon Hiram; unnweyth pub teyr blydhen gorholyon Tarshish a dho ow toen owr, arghans, dans-olifans, apys, ha payones.

Ekklesiastes 2:8

my a vernyas hag arghans hag owr ragov vy ow honan, ha tresor a vyghternedh ha ranndiryow; my a gavas ragov vy ow honan kanoryon ha kanoresow, war-barth ha'n pyth a re delit dhe vebyon den – harim a iswragedh teg.