2 Kroniklys 8:14 - An Bibel Kernewek 20234 (Kernewek Kemmyn)

¹⁴ Herwydh gorhemmynn Davydh y das, ev a ordenas rannow an oferysi rag aga servis, ha'n Levysi rag aga soedhow a wormola hag a venystra ryb an oferysi avel dever pub-dydhyek dell ve res, ha gwithysi an yetys yn aga rannow rag pub yet; rag yndella y hworhemmynnsa Davydh, gour Duw.

2 Kroniklys 8:14 ပူးပေါင်းရင်းမြစ်များ

2 Samuel 23:2

Spyrys an Arloedh a gews dredhov, yma y lavar war ow thaves.

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Kroniklys 16:37

Davydh a asas Asaf ha'y vreder ena a-rag argh kevambos an Arloedh dhe venystra heb hedhi a-rag an argh, herwydh edhomm pub dydh.

1 Kroniklys 16:42

Heman, ha Yeduthun a'n jevo hirgern ha symbalys rag an menestrouthi ha daffar rag kanow sans. Ha mebyon Yeduthun o desedhys orth an porth.

1 Kroniklys 23:1

Pan o myghtern Davydh koth ha leun a dhydhyow, ev a wrug Solomon y vab myghtern war Ysrael.

1 Kroniklys 24:1

Hemm yw rannow mebyon Aron: Mebyon Aron o Nadab, Abihu, Eleazar, hag Ithamar.

1 Kroniklys 24:3

Gans gweres Sadok a vebyon Eleazar hag Ahimelek a vebyon Ithamar, Davydh a's ordenas yn rannow herwydh deverow aga servis.

1 Kroniklys 25:1

Davydh ha hembrenkysi an lu a settyas a-denewen ynwedh rag servis re a vebyon Asaf, Heman, ha Yeduthun, dhe brofoesa gans sowtris, telynnow ha symbalys. Rol an wre a wre an servis rag an ober ma o:

1 Kroniklys 26:1

Ottomma rannow an borthoryon: a'n Koraghysi: Meshelemia mab Kore, a vebyon Asaf.

1 Kroniklys 28:19

‘Oll hemma,’ yn-medh Davydh, ‘my a'm beus yn skrif dhiworth leuv an Arloedh warnav, hag ev a ros dhymm konvedhes yn oll manylyon an towl.’

1 Kroniklys 9:17

An borthoryon: Shallum, Akkub, Talmon, Ahiman, ha'ga breder. Shallum o an penn.

1 Kroniklys 9:24

Yth esa an borthoryon war an peswar tenewen, howldrehevel, howlsedhes, kledhbarth ha dyghowbarth;

2 Kroniklys 23:19

Ev a worras an gwithysi yetow chi an Arloedh rag na entro nagonan o avlan war neb kor'.

2 Kroniklys 23:4

Hemm yw an pyth y koedh dhywgh y wul: unn tressa rann ahanowgh hwi oferysi ha Levysi, hag a dheu dh'aga dever y'n sabot, a vydh gwithysi an treudhow,

2 Kroniklys 29:25

Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

2 Kroniklys 31:2

Hezekia a apoyntyas an oferysi ha'n Levysi dh'aga rannow, rann ha rann, pubonan herwydh y servis, an oferysi ha'n Levysi rag offrynnow leskys hag offrynnow kres, dhe venystra ha dhe aswonn grasow ha gormola yn yetys tyldow an Arloedh.

2 Kroniklys 35:10

Pan veu an servis pareusis, an oferysi a sevis yn aga thyller, ha'n Levysi yn aga rannow herwydh gorhemmynn an myghtern.

2 Kroniklys 35:15

Yth esa an ganoryon, mebyon Asaf, yn aga thyller, herwydh gorhemmynn Davydh, Asaf, Heman, ha Yeduthun gwelesydh an myghtern. Yth esa gwithysi an yetow orth pub yet; ny's tevo edhomm a woderri aga servis, rag aga breder, an Levysi a bareusis ragdha.

2 Kroniklys 35:4

Pareusewgh herwydh agas chiow agas tasow herwydh agas rannow, owth holya dannvonadow skrifys Davydh myghtern Ysrael, ha dannvonadow skrifys y vab Solomon.

2 Kroniklys 5:11

An oferysi a omdennas dhiworth an tyller sans. Oll an oferysi esa ena a wrussa omsakra aga honan, heb prederi a-dro dh'aga rannow,

2 Kroniklys 8:15

Ny dreylsons dhe-ves a wul pup-tra re worhemmynnsa an myghtern dhe'n oferysi ha'n Levysi a-dro dhe'n tresorvaow.

Ezra 6:18

Hag i a settyas an oferysi yn aga rannow, ha'n Levysi yn aga bagasow, rag servis Duw yn Yerusalem, dell yw skrifys yn lyver Moyses.

Nehemia 12:24

Ha hembrenkysi an Levysi: Hashabia, Sherebia, ha Yeshua mab Kadmiel ha'ga breder a sevi a-dal dhedha dhe gana gormel ha grasyans dhe Dhuw, an eyl amal ow korthybi dhe'n arall herwydh gorhemmynn Davydh, gour Duw.

Nehemia 12:25

Mattania, Bakbukia, Obadia, Meshullam, Talmon, hag Akkub o porthoryon a witha an gwithvaow ryb an yetow.

Nehemia 12:36

ha'y vreder, Shemaia, Azarel, Milalay, Gilalay, Maay, Nethanel, Yuda, ha Hanani, gans daffar menestrouthi Davydh, gour Duw; hag Ezra an skriba eth a-ragdha.

Luk 1:5

Yth esa yn dydhyow Herod myghtern Yudi, oferyas, Zakaria y hanow, a asrann Abia, hag y feu dhodho gwreg, onan a vyrghes Aron, ha'y hanow Elisabeth.

Luk 1:8

Y hwarva, pan esa ow menystra avel oferyas yn torn y asrann a-dherag Duw,

Oberow 13:22

Ha wosa y remova, ev a dhrehevis Davydh dhe vos aga myghtern; anodho ev a leveris, ow tustunia, “My re gavas bos Davydh mab Yesse gour war-lergh ow holonn, neb a vynn gul oll ow bodh.”

Oberow 13:36

Rag Davydh, wosa ev dhe servya bodh Duw yn y henedh y honan, a goskas hag a veu gorrys gans y dasow hag a welas podredhes.

Dewteronomi 33:1

Homm yw an vennath may hwrug Moyses, den Duw, benniga mebyon Ysrael gensi kyns y vernans.