2 Kroniklys 8:13 - An Bibel Kernewek 20234 (Kernewek Kemmyn)

¹³ dell o dever pub dydh herwydh gorhemmynn Moyses rag an sabotys, an loeryow nowydh, ha'n tri goel blydhenyek – goel an bara heb goell, goel an seythunyow, ha goel an skovvaow.

2 Kroniklys 8:13 ပူးပေါင်းရင်းမြစ်များ

1 Myghternedh 9:25

Teyrgweyth y'n vlydhen Solomon a offrynna offrynnow leskys hag offrynnow kres war an alter a dhrehevis rag an Arloedh, ow leski an offrynnow a-rag an Arloedh. Yndella ev a worfennas an chi.

2 Kroniklys 2:3

Solomon a dhannvonas ger dhe Hiram myghtern Tyr: ‘Ty a dhannvonas prenn keder dhe Davydh ow thas dhe dhrehevel chi ragdho dhe driga ynno.

Nehemia 8:17

Hag oll an kuntelles, an re hag a dhehwelsa dhiworth an gethneth, a wrug skovvaow ha triga ynna; rag a-dhia dhydhyow Yeshua mab Nun bys y'n jydh na ny wrussa fleghes Ysrael yndella. Ha'n lowena o pur vras.

Eksodus 34:22

Ha ty a wra gwitha goel an seythunyow, kynsa frut an gwaneth ha goel an kuntell dhe benn an vlydhen.

Eksodus 34:23

Teyrgweyth y'n vlydhen y hwra omdhiskwedhes oll dha re worow a-rag an Arloedh Duw, Duw Ysrael.

Ezekiel 45:17

Dever an pennsevik a vydh ri an offrynnow leskys, offrynnow greun, hag offrynnow diwes y'n goelyow, y'n loeryow nowydh hag y'n sabotys, oll an goelyow apoyntys a ji Ysrael; ev a brovi an offrynnow pegh, an offrynnow greun, an offrynnow leskys, ha'n offrynnow kres, dhe wul prenedh rag chi Ysrael.

Dewteronomi 16:16

Teyrgweyth y'n vlydhen pub gorreydh ahanowgh a vydh gwelys a-rag an Arloedh dha Dhuw y'n tyller a wra y dhewis: yn goel an bara heb goell, yn dy'goel an seythunyow, hag yn goel an skovvaow; ha ny vydh gwelys a-rag an Arloedh gwag y leuv.