2 Kroniklys 7:6 - An Bibel Kernewek 20234 (Kernewek Kemmyn)

⁶ An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

2 Kroniklys 7:6 ပူးပေါင်းရင်းမြစ်များ

1 Kroniklys 13:8

Davydh hag oll Ysrael a lowenhas dherag Duw gans oll aga nerth, gans kanow, ha sowtris, telynnow, tabourigow, symbalys ha hirgern.

1 Kroniklys 15:24

Shebania, Yoshafat, Nethanel, Amasay, Zekaria, Benaya, hag Eliezer, an oferysi, a vedha ow hwytha an hirgern a-dherag argh Duw. Obed-edom ha Yehia ynwedh a vedha porthoryon rag an argh.

1 Kroniklys 16:34

Grassewgh dhe'n Arloedh, rag da yw, rag y dregeredh a dhur bys vykken.

2 Kroniklys 23:18

Yehoyada a ros an charj dhe worvires chi an Arloedh dhe'n oferysi ha'n levysi a apoyntyas Davydh yn chi an Arloedh dhe offrynna offrynnow leskys dhe'n Arloedh, par dell yw skrifys yn lagha Moyses, gans lowena ha gans kana, herwydh gorhemmynn Davydh.

2 Kroniklys 29:25

Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

2 Kroniklys 29:27

Hezekia a worhemmynnis mayth offrynner an offrynn leskys war an alter. Pan dhallathas an offrynn leskys, an gan dhe'n Arloedh a dhallathas ynwedh, ha'n hirgern gans daffar Davydh myghtern Ysrael.

2 Kroniklys 5:12

hag oll kanoryon an Levysi, Asaf, Heman, ha Yeduthun, aga mebyon ha'ga breder, gwiskys yn lien fin, gans symbalys, telynnow, ha sowtris, a sevis a'n howldrehevel dhe'n alter, keveylys gans kans oferyas warn ugens ow hwytha hirgern.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

2 Kroniklys 7:3

Pan welas oll mebyon Ysrael an tan ow tiyskynna ha glori an Arloedh war an tempel, i a omblegyas war an leur ha'ga fas dhe'n dor, hag a wordhyas hag a ros grasow dhe'n Arloedh ow leverel, ‘Rag ev yw da, rag y dregeredh a dhur bys vykken.’

2 Kroniklys 7:5

Myghtern Solomon a offrynnas avel sakrifis dew vil warn ugens a ojyon, ha hweg ugens mil dhavas. Yndella an myghtern hag oll an bobel a sakras chi Duw.

Ezra 6:18

Hag i a settyas an oferysi yn aga rannow, ha'n Levysi yn aga bagasow, rag servis Duw yn Yerusalem, dell yw skrifys yn lyver Moyses.

Salmow 106:1

Gormelewgh an Arloedh. Grassewgh dhe'n Arloedh, rag ev yw da, rag y dregeredh a dhur bys vykken.

Salmow 107:1

Grassewgh dhe'n Arloedh, rag ev yw da; rag y dregeredh a dhur bys vykken.

Salmow 138:8

An Arloedh a gowlwra y vynnas ragov; dha dregeredh, A Arloedh, a dhur bys vykken; na dhispres oberow dha dhiwleuv.

Salmow 87:7

An ganoryon ha'n dhonsyoryon war-barth a lever, ‘Yma oll ow fentynyow ynnos jy.’

Ysay 52:6

Rakhenna ow fobel a wra aswonn ow hanow; rakhenna y'n jydh na i a woer my dhe vos neb a gews; awottavy.

Amos 6:5

neb a gan orth son an delynn, hag avel Davydh ow tevisya dhedha daffar menestrouthi.

Yoshua 6:4

gans seyth oferyas ow toen seyth hirgorn a gern hordhes a-dherag an argh. Ha'n seythves dydh hwi a geskerdh a-dro dhe'n sita seythgweyth, ha'n oferysi ow hwytha an hirgern.