2 Kroniklys 7:5 - An Bibel Kernewek 20234 (Kernewek Kemmyn)

⁵ Myghtern Solomon a offrynnas avel sakrifis dew vil warn ugens a ojyon, ha hweg ugens mil dhavas. Yndella an myghtern hag oll an bobel a sakras chi Duw.

2 Kroniklys 7:5 ပူးပေါင်းရင်းမြစ်များ

1 Kroniklys 29:21

Ternos i a sakrifias sakrifisow dhe'n Arloedh hag offrynna offrynnow leskys dhe'n Arloedh, mil lodhen, mil hordh, ha mil oen, gans aga offrynnow diwes ha sakrifisow yn kals rag oll Ysrael.

2 Kroniklys 1:6

Solomon eth yn-bann ena dhe'n alter a vrons a-rag an Arloedh yn tylda an kuntelles, hag ev a offrynnas mil offrynn leskys warnodho.

2 Kroniklys 15:11

I a sakrifias dhe'n Arloedh y'n jydh na, dhiworth an preydh re dhrosens, seyth kans ojyon ha seyth mil dhavas.

2 Kroniklys 2:4

Yth esov ow trehevel chi rag hanow an Arloedh ow Duw, ha'y sakra dhodho rag leski ynkys sawrek a-ragdho, ha rag offrynna bara an wolok heb hedhi, ha rag offrynnow leskys, myttin ha gorthugher, y'n sabotys ha'n loeryow nowydh ha rag goelyow apoyntys an Arloedh agan Duw; hemm yw dever bys vykken rag Ysrael.

2 Kroniklys 30:24

Hezekia myghtern Yuda a ros dhe'n kuntelles mil darow ha seyth mil dhavas rag offrynnow, ha'n soedhogyon a ros dhe'n kuntelles mil darow ha deg mil dhavas. Niver meur a'n oferysi a omsakras aga honan.

2 Kroniklys 5:6

Yth esa myghtern Solomon hag oll kuntelles Ysrael kuntellys ganso a-rag an argh, ow sakrifia deves hag oghen na yllys aga homptya na'ga nivera.

2 Kroniklys 7:4

Ena an myghtern hag oll an bobel a offrynnas sakrifisow a-rag an Arloedh.

2 Kroniklys 7:6

An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

Ezekiel 45:17

Dever an pennsevik a vydh ri an offrynnow leskys, offrynnow greun, hag offrynnow diwes y'n goelyow, y'n loeryow nowydh hag y'n sabotys, oll an goelyow apoyntys a ji Ysrael; ev a brovi an offrynnow pegh, an offrynnow greun, an offrynnow leskys, ha'n offrynnow kres, dhe wul prenedh rag chi Ysrael.

Mika 6:7

A vydh an Arloedh pes da a vil hordh, gans degow a vilyow a avonyow oyl? A rov vy ow hynsa genys rag ow hammweyth, frut ow horf rag peghes ow enev?’

Niverow 7:10

Ha'n hembrenkysi a offrynnas offrynnow rag sakrans an alter y'n jydh may feu untys; ha'n hembrenkysi a offrynnas aga offrynn a-rag an alter.

Yowann 10:22

Ena y feu goel an Sakrans yn Yerusalem; gwav o hi.