2 Kroniklys 7:10 - An Bibel Kernewek 20234 (Kernewek Kemmyn)

¹⁰ Y'n tressa dydh warn ugensves a'n seythves mis ev a dhannvonas an bobel dhe-ves dh'aga threvow, lowenek ha heudh aga holonn, drefenn an dader a dhiskwedhas an Arloedh dhe Davydh ha dhe Solomon ha dh'y bobel Ysrael.

2 Kroniklys 7:10 ပူးပေါင်းရင်းမြစ်များ

1 Myghternedh 8:66

Y'n ethves dydh ev a dhannvonas an bobel dhe-ves; hag i a vennigas an myghtern, ha mos dh'aga thyldow, lowenek hag yn spyrys da drefenn an dader oll a dhiskwedhas an Arloedh dh'y was Davydh ha dh'y bobel Ysrael.

2 Kroniklys 29:36

Hezekia hag oll an bobel a lowenhas drefenn an pyth a wrussa Duw a-barth an bobel; rag an dra re hwarvia yn uskis.

2 Kroniklys 30:26

Yth esa joy meur yn Yerusalem, rag a-dhia dhydhyow Solomon mab Davydh myghtern Ysrael, ny via travyth par dhe hemma yn Yerusalem.

2 Kroniklys 6:41

Lemmyn yn-bann, A Arloedh Duw, dhe'th powesva ty hag argh dha nerth. Bedhes dha oferysi, A Arloedh Duw, gwiskys gans selwyans, ha lowenhes dha syns y'th tader.

2 Kroniklys 7:11

Yndella Solomon a worfennas chi an Arloedh ha chi an myghtern; hag ev a gowlwrug pup-tra a dheuth yn y vrys dh'y wul yn chi an Arloedh hag yn y ji y honan.

2 Kroniklys 7:9

Y'n nawves dydh i a ordenas kuntelles solem; rag i re solempnyas sakrans an alter seyth dydh ha'n goel seyth dydh.

Nehemia 8:10

Yn eur na ev a leveris dhedha, ‘Kewgh, dybrewgh an blonek, hag evewgh an gwin hweg ha dannvenewgh rannow dhodho ev na'n jeves travyth parys ragdho. Sans yw an jydh ma dh'agan Arloedh: na bedhewgh grevys, rag lowena an Arloedh yw agas nerth.’

Salmow 100:2

Servyewgh an Arloedh gans lowena; dewgh a-dheragdho gans kan.

Salmow 105:3

Bostyewgh yn y hanow sans; lowenhes kolonn an re a hwila an Arloedh.

Salmow 106:5

rag may hwelliv sewenyans an re dewisys genes, ha lowenhe yn heudhder dha genedhel, ha bostya gans dha ertach.

Salmow 32:11

Lowenhewgh y'n Arloedh, ha bedhewgh heudhik, hwi an re wiryon, germewgh yn lowen, oll hwi yw ewnhynsek agas kolonn.

Salmow 92:4

Rag ty, A Arloedh, re'm heudhhas dre dha wriansow, orth ober dha dhiwleuv my a arm yn lowen.

Eksodus 18:1

Yethro, oferyas Midyan, hwegron Moyses, a glewas a bup-tra re wrussa Duw rag Moyses ha rag Ysrael y bobel, fatell dhrossa an Arloedh Ysrael yn-mes a Ejyp.

Ezekiel 45:25

Y'n seythves mis, yn pymthegves dydh an mis, ha dre seyth dydh an goell, ev a wra an keth provians rag offrynnow pegh, offrynnow leskys, hag offrynnow greun, ha'n oyl.

Oberow 16:34

Ev a's dros yn-bann dh'y ji ha gorra boes a-dheragdha, hag ev hag oll y vayni a lowenhas y tothya ev ha bos kryjyk yn Duw.

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Dewteronomi 12:18

Ty a'n deber a-rag an Arloedh dha Dhuw, y'n tyller a wra an Arloedh dha Dhuw y dhewis, ty ha'th vab ha'th vyrgh, ha'th was ha'th vaghteth, ha'n Levyas usi a-berth y'th yetys; ha hwi a lowenha a-rag an Arloedh dha Dhuw yn pup-tra may hworrydh dha leuv warnodho.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Dewteronomi 16:11

Ty a lowenha a-rag an Arloedh dha Dhuw, ty, ha'th vab, ha'th vyrgh, ha'th was, ha'th vaghteth, ha'n Levyas usi y'th yetys, ha'n alyon, ha'n omdhivas, ha'n wedhwes usi yntredhowgh y'n tyller a wra an Arloedh dha Dhuw y dhewis, dhe wul dh'y hanow triga ena.

Dewteronomi 16:14

Lowenha y'th ty'goel, ty ha'th vab, ha'th vyrgh, ha'th was, ha'th vaghteth, ha'n Levyas, ha'n alyon, ha'n omdhivas, ha'n wedhwes usi y'th yetys.

Filippianys 4:4

Lowenhewgh pup-prys y'n Arloedh; arta y lavarav, lowenhewgh.