2 Kroniklys 6:6 - An Bibel Kernewek 20234 (Kernewek Kemmyn)

⁶ mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

2 Kroniklys 6:6 ပူးပေါင်းရင်းမြစ်များ

2 Myghternedh 21:4

Ev a dhrehevis alteryow yn chi an Arloedh, may lavarsa an Arloedh anedha, ‘Yn Yerusalem y hworrav ow hanow.’

2 Myghternedh 21:7

Ev a settyas an imaj gravys a Ashera re wrussa y'n chi may leveris an Arloedh anodho dhe Davydh ha dh'y vab Solomon, ‘Y'n chi ma hag yn Yerusalem, re dhewisis mes a oll kordhow Ysrael, my a worr ow hanow bys vykken.

1 Kroniklys 17:5

Rag ny drigis yn chi a-dhia'n jydh may tres Ysrael yn-bann bys y'n jydh ma, mes my res eth a dylda dhe dylda hag a gampva dhe gampva.

1 Kroniklys 17:7

Lemmyn ytho, ty a lever dhe'm gwas Davydh: Yndellma y lever Arloedh an luyow: My a'th kemmeras dhiworth an beurva, dhiworth holya an deves, dhe vos pennsevik war ow fobel Ysrael;

1 Kroniklys 28:4

Byttegyns an Arloedh, Duw Ysrael, a'm dewisas dhiworth oll chi ow thas dhe vos myghtern war Ysrael bys vykken; rag ev a dhewisas Yuda avel rewler, hag yn chi Yuda chi ow thas, hag y feu plegadow dhodho dhiworth mebyon ow thas dhe wul dhymm bos myghtern war oll Ysrael.

2 Kroniklys 12:13

Myghtern Rehoboam a fastyas y honan yn krev yn Yerusalem hag a besyas avel myghtern. Rehoboam o unn bloedh ha dew-ugens pan dhallathas reynya; ev a reynyas seytek blydhen yn Yerusalem, an sita re dhewissa an Arloedh yn-mes a oll loethow Ysrael rag gorra y hanow ena. Hanow y vamm o Naama an Ammonyades.

2 Kroniklys 20:8

I re drigas ynno, ha re dhrehevsons ragos sentri ynno rag dha hanow, ow leverel,

2 Kroniklys 30:8

Na vedhewgh kales agas kilbenn lemmyn dell vedha agas tasow; ystynnewgh leuv dhe'n Arloedh ha dewgh dh'y sentri, re sakras bys vykken, ha servyewgh an Arloedh rag may treyllyo y gonnar dhiworthowgh.

2 Kroniklys 33:4

Ev a dhrehevis alteryow yn chi an Arloedh, may lavarsa an Arloedh anodho, ‘Yn Yerusalem ow hanow a vydh bys vykken.’

2 Kroniklys 6:20

Re bo dha dhewlagas igor war-tu ha'n chi ma, dydh ha nos, an tyller ynno mayth ambossys dhe worra dha hanow, ha klew an pysadow a bys dha was war-tu ha'n tyller ma

2 Kroniklys 6:5

“A-dhia'n jydh ynno may tres vy ow fobel yn-mes a Ejyp, ny dhewisis vy sita a oll loethow Ysrael dhe dhrehevel chi, rag may fe ow hanow ena, na ny dhewisis vy gour vyth dhe vos rewler war ow fobel Ysrael;

2 Kroniklys 7:16

Rag my re dhewisas hag a sakras an chi ma, rag may fo ow hanow ena bys vykken; ow dewlagas ha'm kolonn a vydh ena bynitha.

Ezra 7:16

hag oll an arghans ha'n owr a yllydh aga huntell yn rannvro Babylon oll, gans offrynnow bolonjedhek an bobel ha'n oferysi, ambosys a-vodh rag chi aga Duw usi yn Yerusalem.

Salmow 122:2

Agan treys a sev a-berth y'th porthow, A Yerusalem.

Salmow 132:13

Rag an Arloedh re dhewisas Sion, ev re yeunis war hy lergh dhe vos trigva dhodho:

Salmow 48:1

Meur yw an Arloedh, ha gwiw dhe vos gormelys yn feur yn sita agan Duw, yn y venydh sans.

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Zekaria 2:12

An Arloedh a wra erita Yuda avel y rann y'n tir sans hag ev a dhewis Yerusalem arta.

Zekaria 3:2

An Arloedh a leveris dhe Satnas, ‘An Arloedh re'th kerettho, Satnas! An Arloedh, usi ow tewis Yerusalem, re'th kerettho! A nyns yw hemma yttew tennys mes a'n tan?’

1 Samuel 16:1

Ha'n Arloedh a leveris dhe Samuel, ‘Pygemmys prys y fydhydh ow kyni rag Sowl? My re'n skonyas a vones myghtern war Ysrael. Lanw dha gorn gans oyl, ha ke, my a'th tannvon dhe Yesse an Bethlehemyas, rag my re brovias ragov ow honan myghtern yn mysk y vebyon.’