2 Kroniklys 6:34 - An Bibel Kernewek 20234 (Kernewek Kemmyn)

³⁴ ‘Mars a dha bobel dhe vatalyas orth aga eskerens, yn fordh bynag ma's dannvensys, hag i a bys dhis war-tu an sita ma a dhewissys ha war-tu an chi re dhrehevis vy rag dha hanow,

2 Kroniklys 6:34 ပူးပေါင်းရင်းမြစ်များ

1 Myghternedh 8:13

Devri my re dhrehevis dhis chi ughel, tyller rag ty dhe driga ynno bys vykken.’

2 Kroniklys 18:31

Pan welas kaslewydhyon an jarettow Yehoshafat, i a leveris, ‘Myghtern Ysrael ywa.’ Yndella i a dreylyas dhe omladh orto; ha Yehoshafat a grias, ha'n Arloedh a'n gweresas. Duw a's tennas dhiworto,

2 Kroniklys 20:4

Yuda a omguntellas rag hwilas gweres gans an Arloedh; dhiworth oll sitys Yuda y teuthons rag hwilas an Arloedh.

2 Kroniklys 6:33

klew dhiworth nev, tyller dha drigva, ha gul pup-tra a bys an estren dhiworthis, rag mayth aswonno oll poblow an norvys dha hanow ha perthi own ahanas, par dell y'n aswonn dha bobel Ysrael, ha rag may hwodhvo bos dha hanow gelwys war an chi ma, a dhrehevis vy.

2 Kroniklys 6:35

ena klew dhiworth nev aga fysadow ha'ga aspysadow, ha menten aga hen.

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Daniel 6:10

Pan wodhva Daniel bos sinys an skrifenn, yth eth dh'y ji. Y feu ynno fenestri y'n soler igor war-tu Yerusalem. Teyrgweyth pub dydh yth esa ev ow mos war benn-dewlin rag gul pysadow ha gormola a-rag y Dhuw, dell wrussa seuladhydh.

1 Samuel 15:18

Ha'n Arloedh a'th tannvonas war an fordh, ha leverel, “Ke, distru glan an beghadoryon, an Amalekysi, batel er aga fynn erna vons diswrys.”

1 Samuel 15:3

Lemmyn, ke ha gwask Amalek, ha distru glan pup-tra a's teves, ha na wra aga sparya; mes ladh gour ha benyn, flogh ha fleghik, ojyon ha davas, kowrvargh hag asen.” ’