2 Kroniklys 6:20 - An Bibel Kernewek 20234 (Kernewek Kemmyn)

²⁰ Re bo dha dhewlagas igor war-tu ha'n chi ma, dydh ha nos, an tyller ynno mayth ambossys dhe worra dha hanow, ha klew an pysadow a bys dha was war-tu ha'n tyller ma

2 Kroniklys 6:20 ပူးပေါင်းရင်းမြစ်များ

2 Myghternedh 19:16

Pleg dha skovarn yn-nans, A Arloedh, ha klew, igor dha dhewlagas, A Arloedh, ha gwel; klew geryow Sennagherib, re dhannvonas dhe skornya an Duw bew.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

2 Kroniklys 20:9

Mar teu anfeusi warnan, an kledha, breus, kleves, po divoetter, ni a sev a-rag an chi ma, hag a-ragos, rag yma dha hanow y'n chi ma, ha ni a gri dhis yn agan ahwer, ha ty a glew, ha sawya.

2 Kroniklys 6:19

Goslow orth pysadow dha was ha'y aspysadow, A Arloedh ow Duw, ow klewes an kri ha'n pysadow a bys dha was dhis.

2 Kroniklys 6:40

Lemmyn, ow Duw, re bo igor dha dewlagas ha re woslowo dha dhiwskovarn an pysadow gwrys y'n tyller ma.

2 Kroniklys 6:5

“A-dhia'n jydh ynno may tres vy ow fobel yn-mes a Ejyp, ny dhewisis vy sita a oll loethow Ysrael dhe dhrehevel chi, rag may fe ow hanow ena, na ny dhewisis vy gour vyth dhe vos rewler war ow fobel Ysrael;

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

2 Kroniklys 7:15

Lemmyn ow dewlagas a vydh igor ha'm diwskovarn a attend an pysadow a vydh gwrys y'n tyller ma.

Nehemia 1:6

bedhes dha skovarn hewoel ha dha dhewlagas igor rag may klewvi pysadow dha was a bysav a-ragos y'n eur ma dydh ha nos rag fleghes Ysrael dha wesyon, ow konfessya peghosow fleghes Ysrael re beghsyn ni er dha bynn. Ha my ha chi ow thas re beghas.

Salmow 121:5

An Arloedh yw dha withyas; an Arloedh yw dha skeus orth dha leuv dhyghow.

Salmow 33:18

Otta, yma lagas an Arloedh war an re a berth own anodho, war an re a drest yn y dregeredh;

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Daniel 6:10

Pan wodhva Daniel bos sinys an skrifenn, yth eth dh'y ji. Y feu ynno fenestri y'n soler igor war-tu Yerusalem. Teyrgweyth pub dydh yth esa ev ow mos war benn-dewlin rag gul pysadow ha gormola a-rag y Dhuw, dell wrussa seuladhydh.

Dewteronomi 12:11

Ha dhe'n tyller a wra an Arloedh agas Duw y dhewis rag gul dh'y hanow triga ena, dhodho y trowgh pup-tra a worhemmynnav dhywgh: agas offrynnow leskys, ha'gas sakrifisow, agas degedhow, ha'n offrynnow drehevys a'gas leuv, ha'n gwella a'gas offrynnow ambosel oll a ambosowgh dhe'n Arloedh.

Dewteronomi 26:2

ty a gemmer neppyth a'n kynsa a oll frut an tir a dhredh mes a'th tir a wra an Arloedh dha Dhuw y ri dhis ha'y worra yn kanstell, ha mos dhe'n tyller a wra an Arloedh dha Dhuw y dhewis dhe wul dh'y hanow triga ena,

Kolossianys 2:9

rag ynno ev y trig pub leunder a'n Duwsys, yn korfek.