2 Kroniklys 6:16 - An Bibel Kernewek 20234 (Kernewek Kemmyn)

¹⁶ Ha lemmyn, A Arloedh, Duw Ysrael, gwith an ambos dhe'm tas Davydh, pan leversys, “Ny fyll dhis gour a-dhiworthiv dhe esedha war dron Ysrael, unnweyth mar kwittha dha vebyon aga fordh, dhe gerdhes yn ow lagha par dell re gerdhsys a-ragov.”

2 Kroniklys 6:16 ပူးပေါင်းရင်းမြစ်များ

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 6:12

‘A-dro dhe'n chi ma a dhrehevydh, mar kerdhydh yn ow ordenansow, ha bos gostydh dhe'm breusow ha gwitha oll ow gorhemmynnow ha kerdhes ynna, ena my a fast ow ambos genes, a wrug vy dhe'th tas Davydh.

2 Kroniklys 13:5

A ny wodhowgh hwi y ros an Arloedh, Duw Ysrael, an myghternsys war Ysrael dhe Davydh ha'y vebyon bys vykken dre gevambos a hoelan?

2 Kroniklys 21:7

Byttegyns ny vynnas an Arloedh distrui chi Davydh, drefenn an kevambos a wrug gans Davydh. Ev re ambossa ri dhodho ha dh'y vebyon lugarn bys vykken.

2 Kroniklys 23:3

Ena an kuntelles dien a wrug kevambos gans an myghtern yn chi Duw. Yehoyada a leveris dhedha, ‘Ottomma mab an myghtern! Reynyes ev, par dell ambosas an Arloedh a-dro dhe vebyon Davydh.

2 Kroniklys 6:17

Lemmyn, A Arloedh, Duw Ysrael, surha dha er a leversys dhe'th was Davydh.

2 Kroniklys 7:17

Ha ty mar kerdhydh, par dell gerdhi dha das Davydh, ow kul herwydh pup-tra re worhemmynnis vy dhis, hag ow kwitha oll ow ordenansow ha'm breusow,

2 Kroniklys 7:18

my a fast dha vyghterneth, par dell wrugavy kevambos gans dha das Davydh ow leverel, “Nevra ny fyll dhis gour dhe rewlya yn Ysrael.”

Salmow 119:1

Gwynnvys an re yw heb namm y'n fordh, hag a gerdh yn lagha an Arloedh.

Salmow 119:9

Fatell wra den yowynk glanhe y hyns? Owth omwitha herwydh dha er.

Salmow 132:11

An Arloedh re dos ti yn gwiryonedh dhe Davydh; ny wra ev treylya dhiworto: ‘Onan a'n frut a'th korf a worrav war dha se.

Salmow 132:12

Mar kwra dha fleghes synsi ow hevambos, ha'm dustuniow a dhyskav dhedha, aga fleghes ynwedh bynitha a vydh esedhys war dha dron.’

Salmow 26:3

Rag yma dha dregeredh a-dherag ow dewlagas, ha my re gerdhas y'th wirder.

Ezekiel 36:37

Yndellma y lever an Arloedh Duw: Ynwedh my a as dhe ji Ysrael govynn orthiv dhe wul hemma ragdha: dhe voghhe aga thus kepar ha flokk.