2 Kroniklys 6:14 - An Bibel Kernewek 20234 (Kernewek Kemmyn)

¹⁴ Ev a leveris, ‘A Dhuw Ysrael, nyns eus Duw avelos, naneyl yn nev nag yn nor, ow kwitha kevambos ha tregeredh gans dha wesyon hag a gerdh a-ragos gans oll aga holonn.

2 Kroniklys 6:14 ပူးပေါင်းရင်းမြစ်များ

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 33:20

Hag ev a dhrehevis ena alter, ha'y elwel El-elohe-ysrael.

Jenesis 35:10

Hag yn-medh Duw dhodho, ‘Yakob yw dha hanow, mes ny vydh dha hanow gelwys Yakob na fella, mes Ysrael a vydh dha hanow’; ytho ev a elwis y hanow Ysrael.

Jenesis 5:24

Hag Enok a gerdhas gans Duw ha ny veu moy, rag Duw a'n kemmeras.

2 Samuel 7:22

Rakhenna meur osta, A Arloedh Duw; rag nyns eus nagonan avelos, ha nyns eus Duw marnas ty, war-lergh pup-tra a glewsyn gans agan diwskovarn.

1 Myghternedh 18:36

Pan dheuth termyn offrynn an greun, an profoes Elias a dheuth nes ha leverel, ‘A Arloedh, Duw Abraham, Ysak, hag Ysrael, bedhes godhvedhys an jydh ma dha vos Duw yn Ysrael, hag ow bos dha was, ha my dhe wul oll an taklow ma orth dha arghadow.

1 Myghternedh 3:6

Ha Solomon a leveris, ‘Ty re dhiskwedhas dhe'th was Davydh ow thas tregeredh veur, drefenn ev dhe gerdhes a-ragos yn gwiryonedh, yn lenduri hag ewnhynseth an golonn genes; ha ty re'n gwithas rag an kuvder meur ma, ha ri mab dhodho dhe esedha war y dron hedhyw.

1 Myghternedh 6:12

‘A-dro dhe'n chi ma a dhrehevydh, mar kerdhydh yn ow ordenansow, ha bos gostydh dhe'm breusow ha gwitha oll ow gorhemmynnow ha kerdhes ynna, ena my a fast ow ambos genes, a wrug vy dhe'th tas Davydh.

1 Myghternedh 8:23

Ev a leveris. ‘A Arloedh, Duw Ysrael, nyns eus Duw avellos yn nev a-vann na war an nor a-woeles, ow kwitha an kevambos ha tregeredh rag dha wesyon a gerdh a-ragos gans oll aga holonn.

1 Kroniklys 29:10

Davydh a vennigas an Arloedh a-dherag an kuntelles oll. Ha Davydh a leveris, ‘Benniges os, A Arloedh, Duw Ysrael agan tas, bys vykken ha bynnari.

1 Kroniklys 29:20

Ena Davydh a leveris dhe oll an kuntelles, ‘Bennigewgh an Arloedh agas Duw.’ Hag oll an kuntelles a wormolas an Arloedh, Duw aga thasow, hag omblegya, ow plegya dhe'n dor a-rag Arloedh ha'n myghtern.

2 Kroniklys 20:6

hag a leveris, ‘A Arloedh, Duw agan tasow, a nyns osta Duw y'n nev? A ny rewlydh war oll gwlaskordhow an kenedhlow? Yma y'th leuv galloes ha nerth, bys ma na yll nebonan sevel orthis.

2 Kroniklys 6:17

Lemmyn, A Arloedh, Duw Ysrael, surha dha er a leversys dhe'th was Davydh.

Nehemia 1:5

Yn-medhav, ‘My a'th pys, A Arloedh Duw nev, an Duw bras hag euthyk neb a with kevambos ha tregeredh rag an re a'n kar ha gwitha y worhemmynnow;

Salmow 86:8

Yn mysk an duwow nyns eus nagonan kepar ha ty, A Arloedh, ha nyns eus gwriansow kepar ha'th wriansow jy.

Salmow 89:28

My a with ow thregeredh orto bynitha, ha'm kevambos ganso a sev fast.

Salmow 89:6

Rag piw y'n nevow a yll bos kehaval dhe'n Arloedh? Piw yn mysk mebyon an duwow a yll bos haval dhe'n Arloedh?

Salmow 89:8

A Arloedh, Duw an luyow, piw yw galloesek avelos jy, A Arloedh? Yma dha lelder a-dro dhis.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Eksodus 3:15

Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

Eksodus 8:6

Ytho, Aron a ystynnas y dhorn dres dowrow Ejyp; ha'n kwilkynyow a dheuth ha kudha pow Ejyp.

Yeremia 10:16

Nyns yw rann Yakob avella: rag ev yw formyer pup-tra hag Ysrael yw gwelenn y eretons: Arloedh an luyow yw y hanow.

Yeremia 10:6

Rag nyns eus nagonan avelos A Arloedh, ty yw meur, ha'th hanow yw meur y alloes.

Daniel 9:4

Pysi war an Arloedh ow Duw ha konfessya a wrug, ow leverel, ‘Ogh Arloedh, an Duw meur hag euthyk, neb a with an kevambos ha tregeredh rag an re a'n kar ha gwitha y worhemmynnow,

Luk 1:50

hag yma y dregeredh a unn henedh dhe'n nessa dhe'n re a berth own anodho.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Luk 1:72

dhe wul tregeredh dh'agan tasow, ha dhe berthi kov a'y gevambos sans,

Dewteronomi 3:24

‘Arloedh Duw, ty re dhallathas diskwedhes dhe'th was dha veuredh ha dha dhorn grev; rag py duw eus yn nev hag yn nor neb a yll gul kepar ha'th wriansow ha'th oberow galloesek?

Dewteronomi 4:39

Ytho godhvydh hedhyw, ha dro arta y'th kolonn, an Arloedh dhe vos Duw yn nev war-vann hag y'n nor a-woeles: nyns eus nahen.

Dewteronomi 7:9

Rakhenna godhvydh an Arloedh dha Dhuw dhe vos Duw, an Duw len, ow kwitha y gevambos ha'y dregeredh dhe'n re usi orth y gara hag ow kwitha y worhemmynnow, dhe vil henedh;

1 Thessalonianys 2:12

orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.