2 Kroniklys 5:2 - An Bibel Kernewek 20234 (Kernewek Kemmyn)

² Ena Solomon a guntellas henavogyon Ysrael, hag oll pennow an loethow, pennow teyluyow a vebyon Ysrael, yn Yerusalem, rag doen yn-bann argh kevambos an Arloedh, yn-mes a sita Davydh, yw Sion.

2 Kroniklys 5:2 ပူးပေါင်းရင်းမြစ်များ

2 Samuel 5:7

Mes Davydh a gemmeras dinas Sion, yw lemmyn sita Davydh.

2 Samuel 6:12

Y feu derivys orth Davydh, ‘An Arloedh re vennigas chi Obed-edom ha pup-tra eus dhodho, drefenn argh Duw.’ Ytho Davydh eth ha dri yn-bann argh Duw a-dhiworth chi Obed-edom a-ji dhe sita Davydh gans lowena,

1 Kroniklys 15:1

Ev a dhrehevis chiow ragdho y honan yn sita Davydh, hag ev a dharbaris tyller dhe argh Duw ha lesa tylda rygdhi.

1 Kroniklys 15:12

ha leverel dhedha, ‘Hwi yw pennow teyluyow an Levysi; sakrewgh agas honan, hwi ha'gas breder, may tryllowgh yn-bann argh an Arloedh, Duw Ysrael, dhe'n tyller re dharbaris vy dhedhi.

1 Kroniklys 15:25

Ena Davydh ha henavogyon Ysrael, ha kaptenyon an milyow, eth dhe dhri yn-bann argh kevambos an Arloedh dhiworth chi Obed-edom gans lowena.

1 Kroniklys 15:3

Davydh a guntellas oll Ysrael yn Yerusalem dhe dhoen argh an Arloedh yn-bann dh'y thyller re dharbarsa ev dhedhi.

1 Kroniklys 16:1

I a dhros argh Duw, ha'y settya a-ji dhe'n tylda re dhrehavsa Davydh rygdhi; hag i a offrynnas offrynnow leskys hag offrynnow kres dherag Duw.

1 Kroniklys 24:31

An re ma ynwedh a dewlis prenn, kepar dell wrug aga breder mebyon Aron a-rag Davydh an myghtern ha Sadok hag Ahimelek, ha pennow teyluyow an tasow a'n oferysi ha'n Levysi. Teylu broder kottha a veu dyghtys y'n keth vaner avel teylu broder yowynka.

1 Kroniklys 24:6

An skriba Shemaia mab Nethanel, Levyas, a's kovadhas a-rag an myghtern, an bennsevigyon, Sadok an oferyas, Ahimelek mab Abiathar, ha pennow teyluyow an oferysi ha'n Levysi; unn teylu a veu dewisys rag Eleazar hag onan dewisys rag Ithamar.

1 Kroniklys 26:26

Shelomoth ha'y vreder o charjys gans oll tresorvaow an rohow sakrys re bia sakrys gans Davydh an myghtern ha gans pennow teyluyowow o kaptenyon milyow ha kansow, ha gans kaslewydhyon erell an lu.

1 Kroniklys 28:1

Myghtern Davydh a guntellas yn Yerusalem oll soedhogyon Ysrael, pennow an loethow, pennow an rannow a servya an myghtern, kaptenyon milyow, kaptenyon kansow, an soedhogyon a'n jevo charj a oll an pythow hag a oll chatel an myghtern ha'y vebyon, war-barth gans soedhogyon an palys, an gasoryon hag oll an vreselyoryon golonnek.

2 Kroniklys 1:4

Mes Davydh re dhegsa argh Duw yn-bann a Kiryath-yearim dhe'n tyller a dharbarsa dhedhi; rag ev a ystynnsa tylda rygdhi yn Yerusalem.

2 Kroniklys 5:1

Pan veu gorfennys oll an ober a wrug Solomon rag chi an Arloedh, Solomon a dhug a-ji oll an taklow sakrys gans y das Davydh, hag ev a worras an arghans, an owr, hag oll an lestri yn tresorvaow chi Duw.

2 Kroniklys 5:12

hag oll kanoryon an Levysi, Asaf, Heman, ha Yeduthun, aga mebyon ha'ga breder, gwiskys yn lien fin, gans symbalys, telynnow, ha sowtris, a sevis a'n howldrehevel dhe'n alter, keveylys gans kans oferyas warn ugens ow hwytha hirgern.

Salmow 2:6

‘My re worras ow myghtern war Sion, ow menydh sans.’

Salmow 87:2

an Arloedh a gar porthow Sion moy ages oll annedhow Yakob.

Levitikus 9:5

Hag i a dhros an pyth a erghis Moyses dherag tylda an kuntelles hag oll an kuntelles a dheuth nes ha sevel dherag an Arloedh.

Niverow 10:33

Ytho i eth yn-kerdh a venydh an Arloedh vyaj tri dydh; hag argh kevambos an Arloedh eth a-ragdha vyaj tri dydh, dhe hwilas powesva ragdha.

Niverow 10:36

Ha pan bowesa hi, ev a leveri, ‘Dehwel, A Arloedh, dhe'n deg milyow a vilyow Ysrael.’