2 Kroniklys 5:13 - An Bibel Kernewek 20234 (Kernewek Kemmyn)

¹³ An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

2 Kroniklys 5:13 ပူးပေါင်းရင်းမြစ်များ

1 Kroniklys 16:4

Ev a apoyntyas re a'n Levysi dhe venystra a-rag argh an Arloedh, dhe govhe, dhe rassa ha dhe wormel an Arloedh, Duw Ysrael.

2 Kroniklys 20:21

Wosa omgusulya gans an bobel, ev a apoyntyas kanoryon dhe gana dhe'n Arloedh ha'y wormel rag splannder y sansoleth, hag i ow mos yn-mes a-rag an lu, ow kana, ‘Rewgh grasow dhe'n Arloedh, rag y dregeredh a dhur bys vykken.’

2 Kroniklys 20:22

Pan dhallathsons kana ha gormel, an Arloedh a gontrewaytyas erbynn mebyon Ammon, Moab, ha menydh Seir, esens ow tos erbynn Yuda, hag i a veu fethys.

2 Kroniklys 7:1

Pan worfennas Solomon y bysadow, tan a dhiyskynnas a nev hag a loskas an offrynn leskys ha'n sakrifisow; ha glori an Arloedh a lenwis an tempel.

2 Kroniklys 7:2

Ny ylli an oferysi entra dhe ji an Arloedh, drefenn glori an Arloedh dhe lenwel chi an Arloedh.

2 Kroniklys 7:3

Pan welas oll mebyon Ysrael an tan ow tiyskynna ha glori an Arloedh war an tempel, i a omblegyas war an leur ha'ga fas dhe'n dor, hag a wordhyas hag a ros grasow dhe'n Arloedh ow leverel, ‘Rag ev yw da, rag y dregeredh a dhur bys vykken.’

2 Kroniklys 7:6

An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

Ezra 3:11

I a ganas, ow korthybi an eyl dh'y gila, gans gormola ha grasyans dhe'n Arloedh, ‘Rag ev yw da, rag y dregeredh a dhur bys vykken war Ysrael.’ Hag oll an dus a armas gans garm vras, ow kormel an Arloedh, drefenn bos settys sel chi an Arloedh.

Nehemia 12:27

Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris.

Salmow 100:5

Rag da yw an Arloedh; y dregeredh a dhur bys vykken, ha'y lelder a dhur a unn henedh dhe'n nessa.

Salmow 106:1

Gormelewgh an Arloedh. Grassewgh dhe'n Arloedh, rag ev yw da, rag y dregeredh a dhur bys vykken.

Salmow 107:1

Grassewgh dhe'n Arloedh, rag ev yw da; rag y dregeredh a dhur bys vykken.

Salmow 118:1

Grassewgh dhe'n Arloedh, rag da yw; rag y dregeredh a dhur bys vykken.

Salmow 150:3

Gormelewgh ev gans son an trompa; gormelewgh ev war an delynn ha'n sowtri.

Salmow 150:5

Gormelewgh ev war an symbalys kesson; gormelewgh ev war an symbalys ughel aga son.

Salmow 22:4

Agan tasow a drestyas ynnos jy; i a drestyas, ha ty a's delivras.

Salmow 81:2

Gwrewgh dhe'n menestrouthi seni, gweskewgh an tabourik, an sowtri hweg gans an delynn.

Eksodus 29:43

Ena my a vet gans mebyon Ysrael a vydhons sanshes gans ow golewder.

Ysay 52:8

Lev dha withysi: i a dhrehav aga lev; war-barth i a gan gans joy, rag i a wel lagas dhe lagas dehwelyans an Arloedh dhe Sion.

Yeremia 32:39

My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

Romanyon 15:6

rag may hwormollowgh war-barth gans unn ganow Duw ha Tas agan Arloedh Yesu Krist.

Diskwedhyans 15:8

Ha'n tempel a veu lenwys a vog a'n golewder a Dhuw ha'y alloes, ha denvyth ny ylli mos a-bervedh y'n tempel bys pan veu kowlwrys seyth pla an seyth el.