2 Kroniklys 5:12 - An Bibel Kernewek 20234 (Kernewek Kemmyn)

¹² hag oll kanoryon an Levysi, Asaf, Heman, ha Yeduthun, aga mebyon ha'ga breder, gwiskys yn lien fin, gans symbalys, telynnow, ha sowtris, a sevis a'n howldrehevel dhe'n alter, keveylys gans kans oferyas warn ugens ow hwytha hirgern.

2 Kroniklys 5:12 ပူးပေါင်းရင်းမြစ်များ

1 Kroniklys 13:8

Davydh hag oll Ysrael a lowenhas dherag Duw gans oll aga nerth, gans kanow, ha sowtris, telynnow, tabourigow, symbalys ha hirgern.

1 Kroniklys 15:24

Shebania, Yoshafat, Nethanel, Amasay, Zekaria, Benaya, hag Eliezer, an oferysi, a vedha ow hwytha an hirgern a-dherag argh Duw. Obed-edom ha Yehia ynwedh a vedha porthoryon rag an argh.

1 Kroniklys 15:27

Davydh a veu gwiskys yn goen a sendal, dell o ynwedh oll an Levysi neb a dhug an argh, ha'n ganoryon, ha'n pennkenyas Kenania a'n jevo charj a'n ganoryon. Davydh ynwedh a wiskas efod lien.

1 Kroniklys 23:30

Pub myttin i a sev ow ri grasow ha gormel dhe'n Arloedh, ha keffrys yn gorthugher,

1 Kroniklys 23:5

peswar mil a vydh porthoryon ha peswar mil a wormel an Arloedh gans an daffar menestrouthi re wrug rag gormel.’

1 Kroniklys 6:33

An re ma yw an dus a servyas war-barth gans aga mebyon. A vebyon an Kohathysi: Heman, an kaner, mab Yoel, mab Samuel,

1 Kroniklys 6:39

ha'y gowethyas Asaf, a sevis a'y barth dhyghow, henn yw, Asaf, mab Berekia, mab Shimea,

2 Kroniklys 29:25

Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

2 Kroniklys 29:26

An Levysi a sevis gans daffar menestrouthi Davydh, ha'n oferysi gans hirgern.

2 Kroniklys 7:6

An oferysi a sevis yn aga thylleryow apoyntys, ha'n Levysi ynwedh, gans daffar menestrouthi an Arloedh, a wrug Davydh an myghtern rag ri grasow dhe'n Arloedh – rag y dregeredh a dhur bys vykken – peskweyth may profyas Davydh gormola dredha. A-dal dhedha an oferysi a sonas hirgern, hag oll Ysrael a'ga sav.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 50:1

Duw an duwow, an Arloedh, re gewsis, ha gelwel an nor dhiworth drehevel an howl bys dh'y sedhes.

Salmow 62:1

Ow enev yn tevri a worta an Arloedh; dhiworto y teu ow selwyans.

Salmow 68:25

An ganoryon eth a-rag, an menestrouthi gans daffar kerdyn eth a-dryv, yn aga mysk yth esa morenyon ow tonsya gans tabouryow.

Salmow 88:1

A Arloedh Duw ow selwyans, my re armas dydh ha nos a-dheragos.

Salmow 92:3

War dhaffar a dheg kordenn ha war an delynn, war an sowtri hweg y don.

Diskwedhyans 15:6

ha'n seyth el, gans an seyth pla, a dheuth yn-mes a'n tempel, ow kwiska lien glan ha splann, ha grogysys gans grogys owrek a-dro dh'aga diwvronn.

Diskwedhyans 19:8

Ha res veu dhedhi hi bos gwiskys yn sendal, splann ha pur’ – rag an sendal yw oberow gwiryon an syns.