2 Kroniklys 36:22 - An Bibel Kernewek 20234 (Kernewek Kemmyn)

²² Yn kynsa blydhen Kyrus myghtern Persia, ow kollenwel ger an Arloedh kewsys dre anow Yeremia, an Arloedh a wrug dhe spyrys Kyrus myghtern Persia difuna, hag ev a dhannvonas kannas der oll y ruvaneth, hag yn skrif maga ta, ow leverel:

2 Kroniklys 36:22 ပူးပေါင်းရင်းမြစ်များ

1 Myghternedh 11:14

Ena an Arloedh a dhrehevis eskar erbynn Solomon, Hadad an Edomyas, a deylu ryel Edom.

1 Myghternedh 11:23

Duw a sevis eskar arall erbynn Solomon, Rezon mab Elyada, re fias dhiworth y arloedh, Hadadezer myghtern Soba.

1 Kroniklys 5:26

Ytho Duw Ysrael a wrug dhe spyrys Pul myghtern Assyria difuna, spyrys Tiglath-pileser myghtern Assyria, hag ev a dhug dhe-ves an Rewbenysi, an Gadysi, ha'n hanter-loeth Manasse, ha'ga dri dhe Halagh, Habor, Hara, ha dhe'n avon Gozan, bys y'n jydh ma.

2 Kroniklys 21:16

An Arloedh a wrug dhe sorr an Filistysi difuna erbynn Yehoram, ha sorr an Arabyon usi ogas dhe'n Ethiopysi.

2 Kroniklys 24:9

Gwarnyans a veu gwrys dre Yuda oll ha dre Yerusalem may fe dres rag an Arloedh an doll a dollas Moyses gwas Duw, war Ysrael y'n gwylvos.

2 Kroniklys 30:5

I a erviras gul gwarnyans der oll Ysrael, dhiworth Beer-sheba bys yn Dan, rag may teffa an bobel ha solempnya an pask dhe'n Arloedh, Duw Ysrael, yn Yerusalem. Ny via solempnys bythkweth gans niver mar vras, herwydh rewlys an skrif.

2 Kroniklys 36:21

may fo kewerys ger an Arloedh dre anow Yeremia, bys pan wrussa an tir resek termyn leun y sabotys. Oll an dydhyow may feu anannedhys, an tir a witha sabot, rag kollenwel deg blydhen ha tri ugens.

2 Kroniklys 36:23

‘Yndellma y lever myghtern Kyrus a Persia: An Arloedh, Duw an nev, re ros dhymmo oll ruvanethow an norvys, hag ev re worhemmynnis dhymm may treheffiv chi yn Yerusalem. Piw pynag yn agas mysk a oll y bobel, re bo ganso an Arloedh y Dhuw, hag es ev yn-bann.’

Ezra 1:5

Pennow teyluyow Yuda ha Benyamin ha'n oferysi ha'n Levysi a sevis, gans oll an re may hwrug Duw dh'aga spyrys difuna, dhe vones yn-bann ha drehevel chi an Arloedh usi yn Yerusalem.

Ysay 44:28

neb a gews a Kyrus, ‘Ow bugel yw ev, hag ev a gollenow ow forpos oll’; ow leverel a-dro dhe Yerusalem, ‘Bedhes dastrehevys’, hag a-dro dhe'n tempel, ‘Bedhes hy selven desedhys yn y le.’

Ysay 45:13

My a wrug dhodho difuna yn ewnder, ha my a wra oll y fordhow kompes. Ev a dhrehav ow sita, ha delivra ow divresow, a-der a wober nag a bewas, yn-medh Arloedh an luyow.

Yeremia 25:12

Ha pan vydh diwedh dhe'n deg blydhen ha tri-ugens, my a gessydh myghtern Babylon ha'n genedhel na, yn-medh an Arloedh, rag aga anewnder, ha tir an Kaldeanys, ha'y wul difeyth bys vykken.

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yeremia 29:10

Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Daniel 10:1

Y'n tressa blydhen a Kyrus, myghtern Persia, y feu diskwedhys ger dhe Daniel, neb o henwys Belteshassar. Gwir o an ger na: kas vras. Ev a gonvedhas an ger – an welesigeth a'n styryas.

Daniel 6:28

Ytho an Daniel ma a sewenis yn-dann reyn Darius ha reyn Kyrus an Persian.

Haggay 1:14

Ha'n Arloedh a wrug dhe spyrys Zerubbabel mab Shealtiel, governour Yuda, difuna, ha spyrys an arghoferyas Yoshua, mab Yosedek, ha spyrys oll remenant an bobel; hag i a dheuth hag oberi yn chi Arloedh an luyow, aga Duw,

Ebrowyon 10:23

Synsyn fast dhe brofessyans agan govenek fyrv, rag lel yw ev neb a ambosas;

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”