2 Kroniklys 36:17 - An Bibel Kernewek 20234 (Kernewek Kemmyn)

¹⁷ Ev a dhros er aga fynn myghtern an Kaldeanys, hag ev a ladhas aga gwer yowynk gans an kledha yn chi aga sentri; ny'n jevo truedh naneyl war our yowynk na moren, na war henavek na krebogh; ev a's ros pub den oll yn y leuv.

2 Kroniklys 36:17 ပူးပေါင်းရင်းမြစ်များ

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

2 Kroniklys 33:11

Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

2 Kroniklys 34:24

Yndellma y lever an Arloedh: Otta, my a dhre terroesa war an tyller ma ha war y drigoryon, oll an mollothow yw skrifys y'n lyver a veu lennys a-rag myghtern Yuda.

Ezra 5:12

Mes drefenn agan tasow dhe serri Duw nev, ev a's delivras yn leuv Nebukadnessar myghtern Babylon, an Kaldean, neb a dorras an chi ma dhe'n dor, ha doen an bobel yn-kerdh dhe Babylon.

Ezra 9:7

A-dhia dhydhyow agan tasow bys an jydh hedhyw agan kammweyth re beu meur; hag a-barth agan drogoberow re beu ni ha'gan myghternedh ha'gan oferysi delivrys yn leuv myghternedh an powyow, dhe'n kledha, dhe gethneth, ha dhe breydh, ha dhe uvelheans, dell yw y'n jydh hedhyw.

Salmow 74:20

Gwra vri a'n kevambos, rag tylleryow tewl an nor yw leun a annedhow garowder.

Salmow 79:1

A Dhuw, an kenedhlow re dheuth y'th ertach; i re dhefolas dha dempel sans, ha gorra Yerusalem yn bern a vagoryow.

Ysay 13:18

Aga gwaregow a vrew gwer yowynk; ny gemmerons truedh a frut an brys; ny vir aga lagas gans piteth war fleghes.

Ysay 43:28

Ytho my a dhisakras pennsevigyon an sentri, my a ros Yakob dhe gowldhistruyans, hag Ysrael dhe dhespit.

Ysay 47:6

My a sorras orth ow fobel, my a dhisakras ow ertach; my a's ros y'th tiwdhorn, ny dhiskwedhsys truedh dhedha; war an re goth y hwrussys dha yew fest poes.

Yeremia 11:22

Ytho yndellma y lever Arloedh an luyow: Otta, my a's kessydh: an wer yowynk a verow der an kledha; aga mebyon ha'ga myrghes a verow dre dhivoetter.

Yeremia 16:6

Ha'n re veur ha'n re vyghan a verow y'n tir ma: ny vydhons ynkleudhys na ny vydh kynvann ragdha, na ny wrons omhakkya na omvoelhe ragdha.

Yeremia 18:21

Ytho ro aga fleghes dhe'n divoetter, ha'ga delivra dhe nerth an kledha; ha re wrello aga gwragedh kelli aga fleghes, ha'ga gwer bos gorrys dhe'n mernans; ha'ga gwer yowynk ledhys gans an kledha yn batel.

Yeremia 21:1

An ger hag a dheuth dhe Yeremia a-dhiworth an Arloedh, pan dhannvonas myghtern Sedekia dhodho Pashhur mab Malkia, ha Sefania mab Maaseya an oferyas, ow leverel,

Yeremia 21:7

Hag a-wosa, y lever an Arloedh, my a re Sedekia myghtern Yuda, ha'y servysi, ha'n bobel, ha'n re yw hwath yn few y'n sita ma wosa an pla, an kledha ha'n divoetter, bys yn dorn Nebukadnessar myghtern Babylon, hag yn dorn aga eskerens, hag yn dorn an re a hwila aga bewnans. Ev a's gwysk gans min an kledha; ny wra eva aga sparya, na kemmeres truedh, na mersi.

Yeremia 32:28

Ytho yndellma y lever an Arloedh: My a vynn ri an sita ma yn leuv an Kaldeanys hag yn leuv Nebukadnessar myghtern Babylon, hag ev a's kemmer.

Yeremia 32:42

Rag yndellma y lever an Arloedh: Par dell dhres oll an drogedh meur ma war an bobel ma, yn kettellma my a dhre warnedha oll an da a ambosis dhedha.

Yeremia 40:3

ha lemmyn an Arloedh a'n dros, ha gul war-lergh an pyth a leveris, drefenn hwi dhe begha erbynn an Arloedh ha ny woslewsowgh y lev. Rakhenna an dra ma yw devedhys warnowgh.

Yeremia 51:22

genes my a vrew gour ha benyn; genes my a vrew hen ha yowynk; ha genes my a vrew an gour yowynk ha'n voren;

Yeremia 9:21

‘Ankow re dheuth yn-bann dh'agan fenestri, hag entra yn agan lysyow, dhe dreghi an fleghes dhiworth an stretys, ha'n wer yowynk dhiworth an plenys.’

Ezekiel 16:40

I a dhre routh yn-bann er dha bynn, hag i a'th labydh gans meyn, ha'th hakkya dhe demmyn gans aga kledhedhyow.

Ezekiel 21:28

Ha ti, A vab den, profoes ha lavar, Yndellma y lever an Arloedh Duw a-dro dhe vebyon Ammon hag a-dro dh'aga heredh; lavar: Kledha, kledha, tennys rag ladhva, rutys splann dhe gonsumya, dhe lughesi!

Daniel 9:14

Yndella an Arloedh a woelyas, ow hwilas chons dhe dhri an droglamm warnan; rag gwiryon yw an Arloedh agan Duw yn y weythresow oll, ha ny woslowsyn orth y lev.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Dewteronomi 30:18

my a dhiskler dhywgh hedhyw y fydhowgh kellys glan; ny vydhowgh trigys dydhyow hir war an tir mayth esos ow tremena dres an Yordan dhe vos di dh'y erita.