2 Kroniklys 36:16 - An Bibel Kernewek 20234 (Kernewek Kemmyn)

¹⁶ mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

2 Kroniklys 36:16 ပူးပေါင်းရင်းမြစ်များ

2 Myghternedh 2:23

Ev eth yn-bann alena dhe Bethel. Hag ev ow mos war an fordh, y teuth mebyon vyghan yn-mes a'n sita ha'y skornya, ha leverel dhodho, ‘Ke yn-bann, ty benn-blogh! Ke yn-bann, ty benn-blogh!’

1 Kroniklys 19:4

Ytho Hanun a sesyas kannasow Davydh ha'ga divarva ha treghi dhe-ves an rann isella a'ga dillasennow bys aga diwbedrenn, ha'ga dannvon dhe-ves.

2 Kroniklys 24:19

Byttegyns ev a dhannvonas profoesi yn aga mysk rag aga dri arta dhe'n Arloedh; i a dhug dustuni orta, mes ny woslowsons.

2 Kroniklys 30:10

Yndella an boenyoryon e a sita dhe sita yn pow Efraym ha Manasse, ha maga pell avel Zebulun; mes i a's skornyas yn unn hwerthin orta, hag a wrug ges anedha.

Ezra 5:12

Mes drefenn agan tasow dhe serri Duw nev, ev a's delivras yn leuv Nebukadnessar myghtern Babylon, an Kaldean, neb a dorras an chi ma dhe'n dor, ha doen an bobel yn-kerdh dhe Babylon.

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Nehemia 9:30

Ty a's perthi lies blydhen, ha ty a's gwarnyas gans dha spyrys dre dha brofoesi; hwath ny woslowsons. Ytho ty a's ros yn leuv poblow tiryow erell.

Salmow 35:16

Avel tus ongrassyes i a wrug ges ahanav, i a dheskornas aga dyns orthiv.

Salmow 74:1

Prag, A Dhuw, re'gan skonsys bynitha? Prag y feg dha sorr orth deves dha beurva?

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Lavarow Koth 6:15

Ytho y derroes a dheu warnodho distowgh, a-ji dhe brysweyth ev a vydh brewys dres sawya.

Ysay 28:22

Lemmyn ytho na wrewgh ges, ma na vo agas kadonyow krevhes; rag my a glewas kollva dhe vos ervirys dhiworth an Arloedh, Duw an luyow, war oll an tir.

Ysay 5:4

Pandr'a allsen gul moy rag ow gwinlann na wrug vy rygdhi? Pan waytis hi dhe wul grappys, prag y hwrug grappys trenk?

Ysay 57:4

Piw y hwredh ges anodho? Piw yth igerydh dha vin er y bynn ha gorra dha daves mes? A nyns owgh hwi fleghes a gammweythres, has a wowegneth?

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Yeremia 13:10

An debel bobel ma, a nagh klewes ow geryow, hag a gerdh yn gorthter aga holonn, ha mos war-lergh duwow erell, ha'ga servya, ha'ga gordhya, a vydh avel an grogys ma, nag yw da rag travyth.

Yeremia 20:7

A Arloedh, ty re'm dynyas, ha my a veu dynys: ty a'm gwaskas yn krev, ha ty re fethas: skornys ov pub dydh, pubonan a wra ges ahanav.

Yeremia 20:8

Rag peskweyth may kowsav, my a gri, my a arm ‘Freudh ha distruyans!’ Rag ger an Arloedh a dheuth ha bos keredh dhymm, ha skorn pub dydh.

Yeremia 30:12

Rag yndellma y lever an Arloedh: Ny yll dha vrew bos yaghhes, ha'th woli yw ankensi.

Yeremia 32:3

le ma'n keas Sedekia myghtern Yuda, ow leverel, ‘Prag y profoesydh ha leverel: Yndellma y lever an Arloedh: My a re an sita ma yn leuv myghtern Babylon, hag ev a's kemmer;

Yeremia 32:33

I re dreylyas dhymm aga heyn, a-der aga fasow; kyn y's dyskis heb lett, hwath ny woslowsons dhe gemmeres dyskybleth.

Yeremia 38:6

Ena i a gemmeras Yeremia ha'y dewlel yn dorvagh Malkia mab an myghtern esa yn klos an prison, owth iselhe Yeremia gans lovonow. Hag y'n dhorvagh nyns esa dowr, marnas leys, ha Yeremia a sedhas y'n leys.

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Daniel 9:6

Ny woslowsyn orth dha servysi an brofoesi, neb a gewsi y'th hanow dh'agan myghternedh, dh'agan prynsys ha dh'agan tasow, ha dhe oll an bobel a'n pow.

Levitikus 26:15

mar skonyowgh ow ordenansow, ha mar kwra agas enev kasa ow breusow, ma na wryllowgh ow gorhemmynnow oll, mes terri ow hevambos,

Matthew 23:34

Rakhenna, otta, my a dhannvon dhywgh profoesi ha tus fur ha skribys: re anedha hwi a's ladh ha'ga krowsya, ha skorjya re a wrewgh yn agas synagys ha'ga helghya a sita dhe sita;

Matthew 5:12

Lowenhewgh ha bedhewgh pur heudhik, rag meur yw agas gober y'n nevow, rag yndella y hwrussons helghya an brofoesi neb a veu kyns agas prys hwi.

Luk 16:14

Ha'n Fariseow, karoryon mona, a glewo oll an taklow ma ha skornya ganso.

Luk 18:32

Rag ev a vydh daskorrys dhe'n Jentilys, hag a vydh skornys ha despitys ha trewa a wrons warnodho;

Luk 23:11

Ha Herod, gans y soudoryon a'n despityas ha'y skornya, ha wosa y gwetha yn dillas splann ev a'n dannvonas arta dhe Pilat.

Luk 23:36

Ha'n soudoryon ynwedh a wrug ges anodho, ow tos ha profya dhodho aysel,

Luk 6:23

lowenhewgh y'n jydh na, ha lemmewgh gans heudhder, rag otta, meur yw agas gober yn nev; rag y'n keth vaner y hwre aga thasow dhe'n brofoesi.

Oberow 13:41

“Mirewgh, hwi neb a wra ges, kemmerewgh marth, ha kewgh dhe goll, rag yn agas dydhyow my a wra ober, ober kammenn na grysowgh mara'n deriv nebonan dhywgh.” ’

Oberow 17:32

Pan glewsons a dhasserghyans an re varow, re a skornyas, mes re erell a leveris, ‘Ni a vynn goslowes orthis arta a-dro dhe hemma.’

Oberow 2:13

Mes re erell, ow kul ges, a leveris, ‘Lenwys a win nowydh yns.’

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

Ebrowyon 11:36

Re erell a wodhevis skorn ha skorjya, ha hwath kadonyow ha prisonyans.

Breusysi 2:17

Mes hwath ny woslowens orth aga breusysi, mes yth esens ow horya war-lergh duwow erell ha plegya dhedha; i a dreylya yn skon a-dhiworth an fordh may kerdhi aga thasow, neb re beu gostydh dhe worhemmynnow an Arloedh, ha ny wrens yndella.