2 Kroniklys 36:14 - An Bibel Kernewek 20234 (Kernewek Kemmyn)

¹⁴ Ynwedh oll an pennoferysi ha'n bobel o fest dislel, owth holya oll taklow kasadow an kenedhlow; hag i a dhefolas chi an Arloedh re wrussa y sakra yn Yerusalem.

2 Kroniklys 36:14 ပူးပေါင်းရင်းမြစ်များ

2 Kroniklys 28:3

hag ev a leski sakrifisow yn nans mab Hinnom, hag a wre dh'y vebyon tremena dre dan herwydh usadow kasadow an kenedhlow a wrug an Arloedh aga fesya a-rag mebyon Ysrael.

2 Kroniklys 33:9

Manasse a ledyas Yuda ha trigoryon Yerusalem yn stray, bys may hwrussons moy drog ages an kenedhlow a dhiswrussa an Arloedh a-rag pobel Ysrael.

2 Kroniklys 34:24

Yndellma y lever an Arloedh: Otta, my a dhre terroesa war an tyller ma ha war y drigoryon, oll an mollothow yw skrifys y'n lyver a veu lennys a-rag myghtern Yuda.

2 Kroniklys 36:13

Ev a rebellyas ynwedh erbynn myghtern Nebukadnessar, neb re wrussa dhodho gul ti re Dhuw; ev a galeshas y gilbenn ha kaleshe y golonn erbynn treylya dhe'n Arloedh, Duw Ysrael.

2 Kroniklys 36:15

An Arloedh, Duw aga thasow, a dhannvonas ger dre leuv y gannasow arta hag arta, drefenn ev dhe berthi tregeredh war-tu ha'y bobel ha war-tu ha'y drigva;

Ezra 9:7

A-dhia dhydhyow agan tasow bys an jydh hedhyw agan kammweyth re beu meur; hag a-barth agan drogoberow re beu ni ha'gan myghternedh ha'gan oferysi delivrys yn leuv myghternedh an powyow, dhe'n kledha, dhe gethneth, ha dhe breydh, ha dhe uvelheans, dell yw y'n jydh hedhyw.

Yeremia 32:34

Mes i a sett aga thaklow kasadow y'n chi yw henwys gans ow hanow vy dh'y dhefola.

Yeremia 32:35

Hag i a dhrehevis an tylleryow ughel a Baal yn nans mab Hinnom, dhe wul dh'aga mebyon ha'ga myrghes tremena der an tan dhe Molek, kyn na worhemmynnis dhedha, na ny dheuth y'm brys may hwrellens an dra gasadow ma, ow kul dhe Yuda pegha.

Yeremia 38:4

Ytho an bennsevigyon a leveris dhe'n myghtern, ‘Ny a'th pys, gas an gour ma dhe vos gorrys dhe'n mernans, drefenn ev dhe wannhe an soudoryon yw gesys y'n sita ma ha diwleuv oll an bobel, dre gewsel geryow a'n par ma dhedha. Rag ny hwila an gour ma sewena an bobel ma, mes aga fystik.’

Yeremia 5:5

My a wra mos dhe'n dus veur, ha kewsel orta; rag i re wodhva fordh an Arloedh, ha breus aga Duw.’ Mes i keffrys re dorras an yew, ha terri an rawyow.

Yeremia 5:6

Rakhenna lew yn-mes a'n goeswik a's ladh, ha bleydh a'n gwylvos a's diswra, lewpard a wra goelyas war aga sitys: pubonan neb a wra mos yn-mes alena a vydh skwardys dhe demmyn: drefenn aga threuspassow yw lies, ha'ga hildroyow yw moghhes.

Ezekiel 11:12

Ena hwi a woer my dhe vos an Arloedh; rag ny gerdhsowgh y'm ordenansow, na ny wrussowgh ow breusow, mes hwi re wrug war-lergh breusow an kenedhlow esons a-dro dhywgh.’

Ezekiel 22:6

Otta ynnos re beu pennsevigyon Ysrael, pubonan herwydh y nerth ow skoellya goes.

Daniel 9:6

Ny woslowsyn orth dha servysi an brofoesi, neb a gewsi y'th hanow dh'agan myghternedh, dh'agan prynsys ha dh'agan tasow, ha dhe oll an bobel a'n pow.

Daniel 9:8

Dhyn ni, A Arloedh, yma meth a'n fas, dh'agan myghternedh, dh'agan prynsys ha dh'agan tasow, drefenn ni dhe begha er dha bynn.

Levitikus 19:30

Hwi a syns ow sabotys, ha diskwedhes revrons dhe'm sentri. An Arloedh ov vy.

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Dewteronomi 18:9

Pan dheudh jy dhe'n tir a wra an Arloedh dha Dhuw y ri dhis, ny dhyskydh gul war-lergh taklow kasadow an kenedhlow na.