2 Kroniklys 35:3 - An Bibel Kernewek 20234 (Kernewek Kemmyn)

³ Ev a leveris dhe'n Levysi esa ow tyski oll Ysrael hag o sakrys dhe'n Arloedh, ‘Gorrewgh an argh sans y'n chi a dhrehevis Solomon mab Davydh. Nyns yw res dhywgh y dhoen war agas diwskoedh. Lemmyn servyewgh an Arloedh agas Duw ha'y bobel Ysrael.

2 Kroniklys 35:3 ပူးပေါင်းရင်းမြစ်များ

1 Kroniklys 23:26

Ytho nyns yw res na fella dhe'n Levysi doen an tabernakel na'n daffar rag y servis’ –

2 Kroniklys 17:7

Yn tressa blydhen y reyn ev a dhannvonas y soedhogyon, Ben-hayl, Obadia, Zekaria, Nethanel, ha Mikaya, dhe dhyski yn sitys Yuda.

2 Kroniklys 30:22

Hezekia a gewsis ow kennertha an Levysi a dhiskwedhas konvedhes da yn servis an Arloedh. Seyth dydh i a dhybris aga rann apoyntys, ow sakrifia offrynnow kres, hag owth aswonn grasow dhe'n Arloedh, Duw aga thasow.

2 Kroniklys 34:14

Hag i ow toen yn-mes an arghans re bia dres yn chi an ARLOEDH, Hilkia an oferyas a gavas lyver lagha an Arloedh, a via res dre leuv Moyses.

2 Kroniklys 5:7

Ena an oferysi a dhug argh an kevambos dh'y thyller yn sentri pervedhel an chi, y'n tyller an moyha sans, yn-dann dhiwaskell an cherubim.

2 Kroniklys 8:11

Solomon a dhros myrgh Faro a sita Davydh dhe'n chi re dhrehevsa rygdhi, rag yn-medh ev, ‘Ny drig gwreg vyth ahanav yn chi Davydh myghtern Ysrael, rag an tylleryow dhedha may teuva argh an Arloedh yw sans.’

Eksodus 32:29

Ha Moyses a leveris, ‘Hedhyw hwi re omsakras rag servis an Arloedh, peub orth kost y vab ha'y vroder, may hworro bennath warnowgh an jydh ma.’

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Niverow 8:19

Ha my re ros an Levysi yn ro dhe Aron ha'y vebyon yn mysk mebyon Ysrael, dhe wul servis rag mebyon Ysrael yn tylda an kuntelles, ha dhe wul prenedh rag mebyon Ysrael, ma na vo pla yn mysk mebyon Ysrael mar teffons nes dhe'n sentri.

2 Korinthianys 4:5

Rag nyns yw pregoth agan honan a wren ni, mes Krist Yesu avel Arloedh, ha ni agan honan avel agas kethyon, a-barth Yesu.

Dewteronomi 33:10

I a dhysk dha vreusow dhe Yakob, ha'th lagha dhe Ysrael. I a worr ynkys y'th tewfrik, hag offrynn kowlleskys war dha alter.