2 Kroniklys 35:22 - An Bibel Kernewek 20234 (Kernewek Kemmyn)

²² Mes ny vynna Yosia treylya dhiworto, mes ev a doellwiskas y honan rag mayth omlattho er y bynn. Ny woslowas orth geryow Neko a anow Duw, mes ev a dheuth dhe vatalyas yn plen Megiddo.

2 Kroniklys 35:22 ပူးပေါင်းရင်းမြစ်များ

1 Myghternedh 14:2

Yeroboam a leveris dh'y wreg, ‘Ke, omdoellwisk, ma na vydh godhvedhys dha vos gwreg Yeroboam, ha mos dhe Shilo; rag yma an profoes Ahiya ena, a leveris dhymm y koetthiv bos myghtern war an bobel ma.

1 Myghternedh 22:30

Myghtern Ysrael a leveris dhe Yehoshafat, ‘My a doellwisk ow honan ha mos y'n vatel, mes ty gwisk dha woenyow.’ Ytho myghtern Ysrael a doellwiskas ha mos y'n vatel.

1 Myghternedh 22:34

Mes neb gour a dennas y warak ha heb y wodhvos ev a weskis myghtern Ysrael yntra platyow y arvwisk ha'n lurik. Ev a leveris dh'y jaretter, ‘Treyl a-dro ha'm doen yn-mes a'n vatel, rag goliys ov.’

2 Myghternedh 23:30

Y wesyon a'n dug, marow, yn charett dhiworth Megiddo dhe Yerusalem, ha'y ynkleudhyas yn y vedh y honan. Pobel an tir a gemmeras Yehoahaz mab Yosia, ha'y untya ha'y wul myghtern yn le y das.

2 Myghternedh 9:27

Mes pan welas Ahazia myghtern Yuda hemma ev a fias war an fordh dhe Beth-haggan. Yehu a'n siwyas, ow leverel, ‘Tennewgh orto ynwedh!’ Hag i a dennas orto y'n charett war an fordh a yskynn dhe Gur hag usi ryb Ybleam. Hag ev a fias dhe Megiddo ha merwel ena.

2 Kroniklys 18:29

Myghtern Ysrael a leveris dhe Yehoshafat, ‘My a doellwisk ow honan ha mos dhe'n vatel, mes ty, omwisk y'th woenyow.’ Yndella myghtern Ysrael a doellwiskas y honan, hag yth ethons i dhe'n vatel.

2 Kroniklys 35:21

Mes Neko a dhannvonas kannasow dhodho ow leverel, ‘Pyth eus yntredhon ni, myghtern Yuda? Nyns av er dha bynn hedhyw, mes erbynn an chi ganso mayth esov ow patalyas, ha Duw re worhemmynnis dhymm fyski; astel sevel orth Duw, usi genev, rag ma na'th tiswrello.’

2 Kroniklys 35:23

An sethoryon a dewlis sethow orth an myghtern Yosia; ha'n myghtern a leveris dh'y wesyon, ‘Kemmerewgh vy dhe-ves, rag fest goliys ov.’

Yeremia 22:15

A wre'ta reynya drefenn ty dhe dhrehevel gans keder moy es dell wra tus erell? A ny wrug dha das dybri hag eva, ha gul gwirvreus hag ewnder? Ena yth o da ganso.

Zekaria 12:11

Y'n jydh na an kynvann yn Yerusalem a vydh meur, avel kynvann Hadad-rimmon yn nans Megiddo.

Yoshua 17:11

Yn Yssakar hag Asher, yth o dhe Manasse Beth-shean ha'y threvow, Ybleam ha'y threvow, trigoryon Dor ha'y threvow, trigoryon En-dor ha'y threvow, trigoryon Taanak ha'y threvow, ha trigoryon Megiddo ha'y threvow (an tressa yw Nafeth).

Yoshua 9:14

Ytho an wer a gemmeras rann a'ga boes, ha ny wovynnsons kusul orth ganow an Arloedh.

Diskwedhyans 16:16

Hag ev a's kuntellas war-barth dhe dyller henwys yn Ebrow, Armageddon.

Breusysi 5:19

‘Myghternedh a dheuth, i a omladhas; ena myghternedh Kanan a omladhas yn Taanak, ryb dowrow Megiddo; ny gemmersons preydh a arghans.

1 Samuel 28:8

Ytho Sowl a dhivelebis y semlans hag omwiska yn dillas arall ha mos di, ev ha dew wour ganso. I a dheuth dhe'n venyn y'n nos. Hag yn-medh ev, ‘Gwra dewinieth ragov dre nygromons, ha dri yn-bann ragov ev neb a hanwav dhis.’