2 Kroniklys 34:9 - An Bibel Kernewek 20234 (Kernewek Kemmyn)

⁹ I a dheuth dhe Hilkia an arghoferyas, hag a ros dhodho an arghans re bia dres yn chi Duw, a guntellsa an Levysi, gwithysi an treudhow dhiworth Manasse hag Efraym ha dhiworth an remenant a Ysrael, ha dhiworth Yuda ha Benyamin, ha trigoryon Yerusalem.

2 Kroniklys 34:9 ပူးပေါင်းရင်းမြစ်များ

2 Myghternedh 23:4

An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

2 Kroniklys 30:10

Yndella an boenyoryon e a sita dhe sita yn pow Efraym ha Manasse, ha maga pell avel Zebulun; mes i a's skornyas yn unn hwerthin orta, hag a wrug ges anedha.

2 Kroniklys 30:18

Ny omlanhasa aga honan brassa rann an bobel, lies anedha dhiworth Efraym, Manasse, Yssakar, ha Zebulun, saw i a dhybris an pask yn fordh na veu herwydh rewlys an skrif. Mes Hezekia a bysis ragdha, ow leverel. ‘Gaves an Arloedh mas pubonan

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

2 Kroniklys 34:10

I a'n dros dhe'n oberoryon a's tevo charj a'n ober yn chi an Arloedh, ha'n oberoryon ma, owth oberi yn chi an Arloedh a wrug devnydh anodho rag ewnhe ha daswul an chi.

2 Kroniklys 34:18

An skrifennyas, Shafan an skrifennyas a dherivas dhe'n myghtern, ‘Hilkia an oferyas re ros dhymmo vy lyver.’ Ena Shafan a'n lennas dhe'n myghtern.

2 Kroniklys 34:20

Ena an myghtern a worhemmynnis dhe Hilkia, Ahikam mab Shafan, Abdon mab Mika, Shafan an skrifennyas, hag Asaya gwas an myghtern,

2 Kroniklys 34:22

Ytho Hilkia ha'n re re bia dannvenys gans an myghtern eth dhe'n brofoeses Hulda, gwreg Shallum mab Tokkath mab Hasra, gwithyas an dhillasva, esa trigys yn Yerusalem y'n Nessa Kwartron, hag i a gewsis dhedhi yndella.

2 Kroniklys 35:8

Y soedhogyon a ros a'ga bodh dhe'n bobel, dhe'n oferysi, ha dhe'n Levysi. Hilkia, Zakaria, ha Yehiel, penn-soedhogyon chi Duw, a ros dhe'n oferysi rag offrynnow an pask, dew vil, hwegh kans oen ha mynnik, ha tri hans tarow.

Filippianys 4:8

Wor'tiwedh, a vreder, pypynag a vo gwir, pypynag a vo onest, pypynag a vo gwiryon, pypynag a vo glan, pypynag a vo plegadow, pypynag a vo gerys-da, mars eus vertu, mars eus gordhyans, prederewgh a'n taklow ma.