2 Kroniklys 34:30 - An Bibel Kernewek 20234 (Kernewek Kemmyn)

³⁰ An myghtern eth yn-bann dhe ji an Arloedh gans oll gwer Yuda, trigoryon Yerusalem, an oferysi ha'n Levysi, oll an bobel, bras ha byghan; ev a lennas a-ragdha oll geryow lyver an kevambos re beu kevys yn chi an Arloedh.

2 Kroniklys 34:30 ပူးပေါင်းရင်းမြစ်များ

2 Myghternedh 23:2

An myghtern eth yn-bann dhe ji an Arloedh, hag oll gwer Yuda hag oll annedhysi Yerusalem ganso, ha'n oferysi, ha'n brofoesi, hag oll an bobel byghan ha bras; hag ev a lennas yn aga diwskovarn oll geryow lyver an kevambos re bia kevys yn chi an Arloedh.

2 Myghternedh 23:21

An myghtern a worhemmynnis dhe oll an bobel, ow leverel, ‘Gwithewgh an pask dhe'n Arloedh agas Duw dell yw skrifys yn lyver an kevambos ma.’

2 Kroniklys 18:30

Lemmyn myghtern Aram re worhemmynnsa dhe gaslewydhyon y jarettow, ‘Na omledhewgh orth byghan na bras, saw unnsel gans myghtern Ysrael.’

2 Kroniklys 34:15

Hilkia a leveris dhe Shafan an skrifennyas, ‘My re gavas lyver an lagha yn chi an Arloedh’; ha Hilkia a ros an lyver dhe Shafan.

2 Kroniklys 34:24

Yndellma y lever an Arloedh: Otta, my a dhre terroesa war an tyller ma ha war y drigoryon, oll an mollothow yw skrifys y'n lyver a veu lennys a-rag myghtern Yuda.

2 Kroniklys 34:31

An myghtern a sevis yn y dyller hag a wrug kevambos a-rag an Arloedh, dhe holya an Arloedh, ow kwitha y worhemmynnow, y vreusow, ha'y ordenansow, gans golonn leun ha gans oll y enev, dhe oberi geryow an kevambos o skrifys y'n lyver ma.

Job 3:19

Yma byghan ha bras ena, ha rydh yw an kethwas dhiworth y vester.

Eksodus 24:7

Ena ev a gemmeras lyver an kevambos, ha'y lenna yn dewlagas an bobel; hag i a leveris, ‘Oll re gewsis an Arloedh, ni a'n gwra, ha ni a vydh gostydh.’

Ekklesiastes 1:12

My, an Pregowther, my re beu myghtern war Ysrael, yn Yerusalem,

Ezekiel 46:10

Pan dhons a-ji, an pennsevik a dheu yn aga mysk, ha pan omdennons, ev ynwedh a omdenn.

Dewteronomi 1:17

Na blegyewgh dhe fas neb den yn breus, mes klewewgh kekeffrys byghan ha bras. Na berthewgh own a vejeth denvyth, drefenn an vreus dhe vos dhe Dhuw. An ken hag yw re gales dhywgh, drewgh e dhymm ha my a'n klew.’