2 Kroniklys 34:3 - An Bibel Kernewek 20234 (Kernewek Kemmyn)

³ Rag yn ethves blydhen y reyn, hag ev hwath maw, ev a dhallathas hwilas Duw Davydh y das, hag y'n dewdhegves blydhen, ev a dhallathas kartha dhiworth Yuda ha Yerusalem an tylleryow ughel, an Asherim, ha'n imajys gravys ha teudhys.

2 Kroniklys 34:3 ပူးပေါင်းရင်းမြစ်များ

1 Myghternedh 13:2

Ev a grias erbynn an alter dre er an Arloedh, ha leverel. ‘A alter, alter, yndellma y lever an Arloedh: “Mab a vydh genys dhe ji Davydh, Yosia y hanow; hag ev a sakrifi warnas oferysi an tylleryow ughel a lesk offrynnow warnas, hag eskern denel a vydh leskys warnas.” ’

2 Myghternedh 10:27

Ena i a vrewis peulven Baal, ha distrui tempel Baal, ha gul anodho kawghti, bys y'n jydh hedhyw.

2 Myghternedh 18:4

Ev a gemmeras an tylleryow ughel yn-mes, ha terri an peulveyn, ha treghi yn-nans an Ashera, ha brewi an sarf a vrons re wrussa Moyses, rag bys y'n dydhyow na yth esens fleghes Ysrael ow leski offrynnow dhedhi; henwys veu Nehushtan.

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

2 Myghternedh 23:14

Ev a vrewis an peulveyn, ha treghi dhe'n dowr an Asherim, ha lenwel aga thylleryow a eskern denel.

2 Myghternedh 23:4

An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

1 Kroniklys 22:5

Davydh a leveris, ‘Solomon ow mab yw yowynk ha heb prevyans, ha'n chi a vydh drehevys rag an Arloedh a dal bos bras-oberys, gerys-da ha glorifiys der oll powyow; rakhenna my a wra darbar dhodho.’ Ytho Davydh a dharbaris yn hel kyns y vernans.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:1

Davydh an myghtern a leveris dhe oll an kuntelles, ‘Solomon ow mab, onan dewisys gans Duw, yw yowynk ha heb prevyans. An ober yw meur; rag ny vydh an palys rag mab-den mes rag an Arloedh Duw.

2 Kroniklys 14:6

Ev a dhrehevis sitys kerys yn Yuda ha'n tir a'n jevo powes. Ny veu bresel er y bynn y'n blydhynyow na, rag an Arloedh a ros dhodho kres.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 30:14

I a dhallathas oberi hag a dhug dhe-ves an alteryow esa yn Yerusalem, hag i a dhug dhe-ves oll an alteryow rag offrynna ynkys ha'ga thewlel y'n nans Kidron.

2 Kroniklys 33:15

Ev a dhug dhe-ves an duwow estren ha'n imaj gravys dhiworth chi an Arloedh, hag oll an alteryow re dhrehevis war venydh chi an Arloedh hag yn Yerusalem, hag ev a's tewlis dhe-ves an sita.

2 Kroniklys 33:17

Byttegyns an bobel a besyas ow sakrifisow y'n tylleryow ughel, mes i a's gwrug unnsel dhe'n Arloedh aga Duw.

2 Kroniklys 33:22

Ev a wrug an pyth o drog yn golok an Arloedh, par dell wrug y das, Manasse. Amon a sakrifia dhe oll an imajys gravys a wrussa Manasse, ha'ga servya.

2 Kroniklys 34:33

Yosia a gemmeras dhe-ves oll an taklow kasadow a diredh an Ysraelysi, hag y hwrug dhe oll esa yn Ysrael servya an Arloedh aga Duw. Oll y dhydhyow, ny fallsons holya an Arloedh, Duw aga thasow.

Salmow 119:9

Fatell wra den yowynk glanhe y hyns? Owth omwitha herwydh dha er.

Salmow 71:5

Rag ty yw ow govenek, A Arloedh Duw, ow fydhyans dhiworth ow yowynkneth.

Eksodus 34:13

Ty a derr dhe'n dor aga alteryow, ha terri dhe demmyn aga feulveyn, ha treghi aga Asherim,

Lavarow Koth 20:11

Yonker yw aswonnys der y weythresow, mars yns i pur hag ewnhynsek.

Lavarow Koth 8:17

My a gar an re a'm kar, ha'n re a'm hwila yn fen a'm kyv

Ekklesiastes 12:1

Porth kov a'th Kreador yn dydhyow dha yowynkneth, kyns dos an drog dhydhyow, ha'n blydhynyow may leverydh, ‘Ny'm beus plesour ynna’;

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Mika 1:5

Yth yw hemma oll drefenn treuspassow Yakob ha drefenn peghadow chi Ysrael. Pyth yw treuspass Yakob? A nyns ywa Samaria? Ha pyth yw tylleryow ughel Yuda? A nyns yns i Yerusalem?

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

2 Timothi 3:15

ha ty dhe wodhvos a-ban es flogh an skrifow sans, a yll dha wul fur bys yn selwyans dre fydh yn Krist Yesu.