2 Kroniklys 34:25 - An Bibel Kernewek 20234 (Kernewek Kemmyn)

²⁵ Drefenn i dhe'm gasa ha leski offrynnow dhe dhuwow erell, bys ma'm sorrsons gans oll oberow aga diwdhorn, ow honnar a vydh diverys war an tyller ma, ha ny vydh difeudhys.

2 Kroniklys 34:25 ပူးပေါင်းရင်းမြစ်များ

2 Myghternedh 22:17

drefenn i dhe'm forsakya ha leski offrynnow dhe dhuwow erell, ow provokya ow sorr gans oll oberow aga diwla; rakhenna ow honnar a vydh enowys erbynn an tyller ma, ha ny vydh difeudhys.

2 Kroniklys 12:2

Y'n pympes blydhen a vyghtern Rehoboam, drefenn i dhe vos dislel dhe'n Arloedh, Shishak myghtern Ejyp a dheuth yn-bann erbynn Yerusalem

2 Kroniklys 12:7

Pan welas an Arloedh i dhe omuvelhe, ger an Arloedh a dheuth dhe Shemaia, ow leverel, ‘Rag i dhe omuvelhe, ny's diswrav, mes my a wront dhedha neb delivrans, ha ny vydh ow sorr meur diverys war Yerusalem dre leuv Shishak.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 24:18

I a forsakyas chi an Arloedh, Duw aga thasow, hag a servya an Asherim ha'n peulveyn. Konnar a dheuth war Yuda ha war Yerusalem drefenn aga hammweyth.

2 Kroniklys 34:26

Mes a-dro dhe vyghtern Yuda neb a'gas dannvonas rag hwilas orth an Arloedh, yndellma y leverowgh dhodho: Yndellma y lever an Arloedh, Duw Ysrael: A-dro dhe'n geryow re glewsys,

Ezra 5:12

Mes drefenn agan tasow dhe serri Duw nev, ev a's delivras yn leuv Nebukadnessar myghtern Babylon, an Kaldean, neb a dorras an chi ma dhe'n dor, ha doen an bobel yn-kerdh dhe Babylon.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Yeremia 22:9

Ena i a worthyp, Drefenn i dhe asa kevambos an Arloedh aga Duw ha gordhya duwow erell, ha'ga servya.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Kynvannow 2:3

Ev re hakkyas yn gwres y sorr pub korn a Ysrael, ev re dennas y leuv dhyghow dhe-ves dhiworta a-rag an eskar; ev re loskas erbynn Yakob kepar ha tan ow flammya, ow kowlleski a bub tu.

Kynvannow 2:4

Ev re blegyas y warak kepar hag eskar, y leuv dhyghow yw drehevys kepar hag envi; ev re ladhas pup-tra o plegadow dhe'n lagas; yn tylda myrgh Sion ev re dhinewis y sorr kepar ha tan.

Kynvannow 4:11

An Arloedh re gowlwrug y sorr, ha dyllo y sorr fers, hag enowi tan yn Sion a dhevoryas hy selyow.

Ezekiel 20:48

Hag oll kig a wel my, an Arloedh, dh'y enowi; ny vydh difeudhys.

Ezekiel 36:18

Ytho my a dhiveris ow sorr warnedha rag an goes a skoellsens war an tir, ha rag aga idolys may hwrussens y dhefola dredha.

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.