2 Kroniklys 34:24 - An Bibel Kernewek 20234 (Kernewek Kemmyn)

²⁴ Yndellma y lever an Arloedh: Otta, my a dhre terroesa war an tyller ma ha war y drigoryon, oll an mollothow yw skrifys y'n lyver a veu lennys a-rag myghtern Yuda.

2 Kroniklys 34:24 ပူးပေါင်းရင်းမြစ်များ

2 Myghternedh 21:12

rakhenna yndellma y lever an Arloedh, Duw Ysrael, My a dhre war Yerusalem ha Yuda kemmys droktra may hwra kosa diwskovarn pubonan a glew anodho.

2 Kroniklys 34:23

Hi a leveris dhedha, ‘Yndellma y lever an Arloedh, Duw Ysrael: Lavar dhe'n gour a'gas dannvonas dhymmo,

Ezra 9:7

A-dhia dhydhyow agan tasow bys an jydh hedhyw agan kammweyth re beu meur; hag a-barth agan drogoberow re beu ni ha'gan myghternedh ha'gan oferysi delivrys yn leuv myghternedh an powyow, dhe'n kledha, dhe gethneth, ha dhe breydh, ha dhe uvelheans, dell yw y'n jydh hedhyw.

Yeremia 19:15

Yndellma y lever Arloedh an luyow, Duw Ysrael: Otta, my a dhre war an sita ma hag oll hy threvow oll an drogedh re gewsis er hy fynn, drefenn i dhe galeshe aga hilbenn ma na glewvens ow geryow.

Yeremia 19:3

ha lavar: Klewewgh ger an Arloedh, A vyghternedh Yuda, hag annedhysi Yerusalem. Yndellma y lever Arloedh an luyow, Duw Ysrael: Otta, my a dhre anfeusi war an tyller ma, may kosso diwskovarn neb a'n klew.

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 36:13

Ha Mikaya a leveris dhedha oll an geryow re glewsa, pan lennas Baruk an rol-skrifa yn klewans an bobel.

Yeremia 36:31

My a'n kessydh ha'y has ha'y servysi rag aga anewnder; my a dhre warnedha, ha war annedhysi Yerusalem, ha war bobel Yuda, oll an drog re leveris er aga fynn, mes ny woslowsons.

Yeremia 6:19

Klew, A norvys: otta, my a dhre drogedh war an bobel ma, frut aga frederow, drefenn na woslowsons orth ow geryow, nag orth ow lagha, mes hy nagha.

Ezekiel 33:10

Ha ty, A vab den, lavar dhe ji Ysrael, Yndella y leversowgh, ‘Beghys on i gans agan kammweythresow ha'gan peghosow, ha ni a wra pedri ynna: ytho fatell vewyn?’

Ezekiel 4:17

rag bara ha dowr a fyll; skruth a's kemmer, ow mires an eyl orth y gila, hag i a wra pedri yn aga hammweyth.

Levitikus 26:14

Mes mar ny vynnowgh goslowes orthiv, na gul oll an gorhemmynnow ma,

Levitikus 26:39

Ha'n re ahanowgh yw gesys a wra yn aga hammweyth yn tiryow agas eskerens; hag i a beder yn kammweyth aga thasow keffrys.

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’