2 Kroniklys 34:14 - An Bibel Kernewek 20234 (Kernewek Kemmyn)

¹⁴ Hag i ow toen yn-mes an arghans re bia dres yn chi an ARLOEDH, Hilkia an oferyas a gavas lyver lagha an Arloedh, a via res dre leuv Moyses.

2 Kroniklys 34:14 ပူးပေါင်းရင်းမြစ်များ

2 Myghternedh 18:18

Pan alwsons dhe'n myghtern y teuth yn-mes dhedha Elyakim mab Hilkia, governour an palys, ha Shebna an pennskrifennyas, ha Yoagh mab Asaf an kovadhor.

2 Kroniklys 12:1

Pan veu fastys myghterneth Rehoboam hag ev o gyllys krev, ev a forsakyas lagha an Arloedh, ev hag oll Ysrael ganso.

2 Kroniklys 31:4

Ev a worhemmynnis dhe'n bobel trigys yn Yerusalem ri aga rann dhe'n oferysi ha'n Levysi, rag may hallens aga omri dhe lagha an Arloedh.

2 Kroniklys 34:15

Hilkia a leveris dhe Shafan an skrifennyas, ‘My re gavas lyver an lagha yn chi an Arloedh’; ha Hilkia a ros an lyver dhe Shafan.

2 Kroniklys 34:9

I a dheuth dhe Hilkia an arghoferyas, hag a ros dhodho an arghans re bia dres yn chi Duw, a guntellsa an Levysi, gwithysi an treudhow dhiworth Manasse hag Efraym ha dhiworth an remenant a Ysrael, ha dhiworth Yuda ha Benyamin, ha trigoryon Yerusalem.

2 Kroniklys 35:26

Gweythresow erell Yosia ha'y oberow lel herwydh an pyth yw skrifys yn lagha an Arloedh,

Ezra 7:10

Rag Ezra re settsa y golonn dhe hwilas lagha an Arloedh, ha dh'y gul, ha dhe dhyski ordenansow ha breusow yn Ysrael.

Salmow 1:2

mes yma y dhelit yn lagha an Arloedh, hag yn y lagha y preder ev dydh ha nos.

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Yeremia 8:8

Fatell yllowgh leverel, ‘Fur on, hag yma lagha an Arloedh genen’? Otta, hi re beu treylys yn gow gans pluvenn wowek an skribys.

Levitikus 10:11

ha dhe dhyski dhe vebyon Ysrael oll an ordenansow a leveris an Arloedh dhedha dre leuv Moyses.’

Levitikus 26:46

An re ma yw an ordenansow ha'n breusow ha'n laghys a wrug an Arloedh yntredho ev ha mebyon Ysrael yn menydh Sinay dre leuv Moyses.

Levitikus 8:36

Ytho Aron ha'y vebyon a wrug pup-tra a veu erghys dre leuv Moyses.

Luk 2:39

Ha wosa kowlwul pup-tra herwydh lagha an Arloedh, i a dhehwelis dhe Alile, dh'aga sita aga honan Nazareth.

Yoshua 1:8

Ny dhiberth an lyver ma a'n lagha dhiworth dha anow, mes ty a ombreder warnodho dydh ha nos, rag may hwaytti gul war-lergh pup-tra yw skrifys ynno. Rag ena ty a wra dhe'th fordh spedya, hag ena y fydh dhis sewena.