2 Kroniklys 33:8 - An Bibel Kernewek 20234 (Kernewek Kemmyn)

⁸ Nevra ny gemmerav troes Ysrael dhiworth an tir re apoyntis rag agas tasow, mar kwaytyons gul pup-tra a worhemmynnis dhedha, oll an lagha, an ordenansow, ha'n breusow res dre leuv Moyses.’

2 Kroniklys 33:8 ပူးပေါင်းရင်းမြစ်များ

2 Samuel 7:10

Ha lemmyn my a apoynt tyller rag ow fobel Ysrael, ha my a wra aga flansa, may hyllons bewa yn aga thyller aga honan, ha ny vydhons ankresys namoy; ha ny wra mebyon sherewneth aga flagya namoy, kepar ha kyns,

1 Kroniklys 17:9

Ha my a apoynt tyller rag ow fobel Ysrael, ha my a wra aga flansa ena, may yllons triga yn aga thyller aga honan, ha ny vydhons ankresys namoy; ha ny wra mebyon sherewneth aga flagya namoy, kepar ha kyns,

2 Kroniklys 33:9

Manasse a ledyas Yuda ha trigoryon Yerusalem yn stray, bys may hwrussons moy drog ages an kenedhlow a dhiswrussa an Arloedh a-rag pobel Ysrael.

Yeremia 7:7

ena my a as dhywgh triga y'n tyller ma, y'n tir a res dh'agas tasow, a-henys ha bys vykken.

Levitikus 10:11

ha dhe dhyski dhe vebyon Ysrael oll an ordenansow a leveris an Arloedh dhedha dre leuv Moyses.’

Levitikus 8:36

Ytho Aron ha'y vebyon a wrug pup-tra a veu erghys dre leuv Moyses.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Dewteronomi 27:26

‘Mollothek yw ev neb na venten geryow an lagha ma orth aga gul.’ Ena oll an bobel a lever, ‘Amen.’

Dewteronomi 4:40

Ytho gwith y ordenansow ha'y worhemmynnow esov ow korhemmynna dhis hedhyw, may fo yn ta genes ha gans dha vebyon war dha lergh, mayth ystynni dha dhydhyow war an tir a wra an Arloedh dha Dhuw y ri dhis bys vykken.

Dewteronomi 5:1

Moyses a elwis dhe oll Ysrael ha leverel dhedha: Klew, A Ysrael, an ordenansow ha'n breusow esov ow kewsel yn agas diwskovarn hedhyw, rag ma's dyskowgh, ha'ga gwitha, ha'ga gul.

Dewteronomi 5:31

Mes ty sav omma genev, may kowsav orthis oll an gorhemmynn, ha'n ordenansow ha'n breusow a dhyskydh dhedha, ma's kwrellons y'n tir a rov dhedha dh'y erita.’

Dewteronomi 8:1

Gwaytyewgh gul oll an gorhemmynn a wrav vy y worhemmynna dhis hedhyw, rag may fewowgh hag ynkressya ha dos hag erita an tir a dos an Arloedh dh'agas tasow.