2 Kroniklys 33:7 - An Bibel Kernewek 20234 (Kernewek Kemmyn)

⁷ Ev a worras an imaj gravys re wrussa yn chi Duw, anodho may leveris Duw dhe Davydh ha dh'y vab Solomon, ‘Y'n chi ma, hag yn Yerusalem re dhewisis yn-mes a oll kordhow Ysrael, y hworrav ow hanow bys vykken.

2 Kroniklys 33:7 ပူးပေါင်းရင်းမြစ်များ

1 Myghternedh 11:13

Saw ny dorrav an wlaskor oll; my a re unn loeth dhe'th vab a-barth ow gwas Davydh hag a-barth Yerusalem, re dhewisis.’

1 Myghternedh 11:32

Ev a'n jevydh unn loeth, a-barth ow gwas Davydh hag a-barth Yerusalem, an sita re dhewisis yn-mes a'n loethow oll a Ysrael.

1 Myghternedh 12:28

Ytho an myghtern a gemmeras kusul, ha gul dew leugh a owr. Ev a leveris dhe'n bobel, ‘Hwi res eth dhe Yerusalem hir lowr. Ottomma agas duwow, A Ysrael, re'gas dros yn-mes a Ejyp.’

1 Myghternedh 8:29

may fydh igor dha lagasow war-tu ha'n chi ma nos ha dydh.

1 Myghternedh 8:44

‘Mars a dha bobel dhe werrya erbynn aga eskerens, dre fordh bynag y's dannvonydh, hag i a bys dhe'n Arloedh war-tu ha'n sita re dhewissys ha'n chi re dhrehevis vy rag dha hanow,

1 Myghternedh 8:48

ha mar tewhelons a leun golonn hag a leun enev yn tir aga eskerens, a's kemmeras yn kethneth, ha pysi dhis war-tu ha'ga thir, a resys dh'aga thasow, an sita re dhewissys, ha'n chi re dhrehevis rag dha hanow,

1 Myghternedh 9:3

An Arloedh a leveris dhodho, ‘My re glewas dha bysadow ha'th pledyans a wrussys a-ragov; my re sakras an chi ma re dhrehevsys, ha gorra ow hanow ena bys vykken; ow lagasow ha'm kolonn a vydh ena bys vykken.

2 Myghternedh 23:6

Ev a gemmeras an Ashera dhiworth chi an Arloedh a-ves dhe Yerusalem, dhe nans Kidron, ha'y leski yn nans Kidron, ha'y brewi dhe dhoust ha tewlel hy doust war ynkleudhva an werin.

2 Kroniklys 33:15

Ev a dhug dhe-ves an duwow estren ha'n imaj gravys dhiworth chi an Arloedh, hag oll an alteryow re dhrehevis war venydh chi an Arloedh hag yn Yerusalem, hag ev a's tewlis dhe-ves an sita.

2 Kroniklys 33:4

Ev a dhrehevis alteryow yn chi an Arloedh, may lavarsa an Arloedh anodho, ‘Yn Yerusalem ow hanow a vydh bys vykken.’

2 Kroniklys 6:5

“A-dhia'n jydh ynno may tres vy ow fobel yn-mes a Ejyp, ny dhewisis vy sita a oll loethow Ysrael dhe dhrehevel chi, rag may fe ow hanow ena, na ny dhewisis vy gour vyth dhe vos rewler war ow fobel Ysrael;

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

2 Kroniklys 7:16

Rag my re dhewisas hag a sakras an chi ma, rag may fo ow hanow ena bys vykken; ow dewlagas ha'm kolonn a vydh ena bynitha.

Salmow 78:68

Mes ev a dhewisas loeth Yuda, menydh Sion, a gara.

Eksodus 20:4

Na wra dhis imaj gravys, na furv vytholl a dravyth eus y'n nev a-vann, nag y'n nor a-woeles, nag y'n dowr yn-dann an nor;

Yeremia 7:30

Rag mebyon Yuda re wrug drogedh y'm golok, yn-medh an Arloedh; i re settyas aga thaklow kasadow y'n chi may feu ow hanow gelwys warnodho, dh'y dhefola.

Breusysi 17:3

Ena ev a dhaskorras an unnek kans bath a arghans dh'y vamm, ha'y vamm a leveris, ‘Sakra a wrav an arghans dhe'n Arloedh a'm leuv a-barth ow mab rag gul imaj gravys hag imaj teudh.’