2 Kroniklys 33:3 - An Bibel Kernewek 20234 (Kernewek Kemmyn)

³ Rag ev a dhastrehevis an tylleryow ughel re beu tennys yn-nans gans y das Hezekia, hag ev a dhrehevis alteryow dhe'n Baalim, hag a wrug Asherim. Ev a wordhyas oll lu an nev, ha'ga servya.

2 Kroniklys 33:3 ပူးပေါင်းရင်းမြစ်များ

1 Myghternedh 14:23

Rag i a dhrehevis dh'aga honan ynwedh tylleryow ughel, peulveyn hag Asherim war bub bre ughel hag yn-dann bub gwydhenn las;

2 Myghternedh 18:4

Ev a gemmeras an tylleryow ughel yn-mes, ha terri an peulveyn, ha treghi yn-nans an Ashera, ha brewi an sarf a vrons re wrussa Moyses, rag bys y'n dydhyow na yth esens fleghes Ysrael ow leski offrynnow dhedhi; henwys veu Nehushtan.

2 Myghternedh 21:3

Ev a dastrehevis an tylleryow ughel a dhistruis y das Hezekia; ev a dhrehevis alteryow dhe Baal, ev a wrug Ashera, dell wrussa Ahab myghtern Ysrael, gordhya oll lu nev, ha'ga servya.

2 Myghternedh 23:11

Ev a bellhas an vergh re rosa myghternedh Yuda yn enor a'n howl, orth entrans chi an Arloedh, ryb chambour Nathan-melek an spadhesik, esa y'n portal; hag ev a loskas charettow an howl gans tan.

2 Myghternedh 23:4

An myghtern a worhemmynnis dhe Hilkia an arghoferyas, ha'n isarghoferyas, ha gwithysi an treudhow, may trollens mes a dempel an Arloedh oll an daffar a veu gwrys rag Baal, ha rag Ashera, ha rag oll lu an nev; ev a's loskas a-ves dhe Yerusalem yn gwelyow Kidron, ha doen aga lusu dhe Bethel.

2 Kroniklys 28:24

Ahaz a guntellas war-barth lestri chi an Arloedh hag a's troghas yn temmigow. Ev a dhegeas darasow chi an Arloedh hag a wrug ragdho y honan alteryow yn pub kornell a Yerusalem.

2 Kroniklys 30:14

I a dhallathas oberi hag a dhug dhe-ves an alteryow esa yn Yerusalem, hag i a dhug dhe-ves oll an alteryow rag offrynna ynkys ha'ga thewlel y'n nans Kidron.

2 Kroniklys 31:1

Pan veu oll henna gorfennys, oll Ysrael esa ena eth yn-mes dhe sitys Yuda hag a droghas an peulveyn, ha terri dhe'n dor an Asherim, ha distrui an tylleryow ughel ha'n alteryow der oll Yuda ha Benyamin hag yn Efraym ha Manasse, bys pan y's diswrussens oll. Ena pobel Ysrael a dhehwelis dh'aga sitys, pubonan dh'y berghennogeth y honan.

2 Kroniklys 32:12

A ny gemmeras Hezekia y honan dhe-ves y dylleryow ughel ha'y alteryow, hag a worhemmynnis dhe Yuda ha Yerusalem, ow leverel, “A-rag unn alter hwi a wra gordhya, ha warnedhi hwi a lesk offrynnow”?

2 Kroniklys 33:15

Ev a dhug dhe-ves an duwow estren ha'n imaj gravys dhiworth chi an Arloedh, hag oll an alteryow re dhrehevis war venydh chi an Arloedh hag yn Yerusalem, hag ev a's tewlis dhe-ves an sita.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 34:25

Drefenn i dhe'm gasa ha leski offrynnow dhe dhuwow erell, bys ma'm sorrsons gans oll oberow aga diwdhorn, ow honnar a vydh diverys war an tyller ma, ha ny vydh difeudhys.

Eksodus 34:13

Ty a derr dhe'n dor aga alteryow, ha terri dhe demmyn aga feulveyn, ha treghi aga Asherim,

Ekklesiastes 2:19

Ha piw a woer mar pydh an den na po fur po foll? Byttegyns ev a wra maystri war frut ow lavur oll a wrug vy dhe oberi mar fur yn-dann an howl. Hemma ynwedh yw euveredh.

Ekklesiastes 9:18

Gwell yw furneth ages arvow kas; mes unn peghador a yll distrui meur a dhader.

Yeremia 17:2

rag bos aga mebyon ow perthi kov a'ga alteryow ha'ga Asherim ryb an gwydh glas war an breow ughel,

Yeremia 19:13

ha chiow Yerusalem, ha chiow myghternedh Yuda, a vydh defolys kepar ha tyller Tofeth, oll an chiow may losksons offrynnow war aga thohow dhe oll lu nev, ha dinewi offrynnow diwes dhe dhuwow erell.

Yeremia 7:30

Rag mebyon Yuda re wrug drogedh y'm golok, yn-medh an Arloedh; i re settyas aga thaklow kasadow y'n chi may feu ow hanow gelwys warnodho, dh'y dhefola.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Oberow 7:42

Mes Duw a dreylyas ha'ga daskorr dhe wordhya lu nev, par dell yw skrifys yn lyver an brofoesi: “A dhresowgh hwi dhymm offrynnow ledhys ha sakrifisow dew-ugens blydhen y'n gwylvos, A ji Ysrael?

Dewteronomi 16:21

Na blans ragos gwydhenn vyth avel Ashera ryb alter an Arloedh dha Dhuw a wredh ragos.

Dewteronomi 17:3

ha mos ha servya duwow erell, ha plegya dhe'n dor a-ragdha, po dhe'n howl po dhe'n loer po dhe oll lu an nev, pyth na wrugavy y worhemmynna;

Dewteronomi 4:19

Ha pan dhrehevydh dha dhewlagas war-tu ha'n ebron ha gweles an howl, ha'n loer, ha'n ster, oll lu an nevow, na vedhewgh kammledys dh'aga gordhya na'ga servya – taklow a wrug an Arloedh dha Dhuw kevrenna dhe oll an poblow yn-dann an ebron dhien.