2 Kroniklys 33:18 - An Bibel Kernewek 20234 (Kernewek Kemmyn)

¹⁸ Gweythresow erell Manasse, y bysadow dh'y Dhuw ha geryow an welesydhyon kewsys dhodho yn hanow an Arloedh Duw a Ysrael, yma an re ma yn kovadhow myghternedh Ysrael

2 Kroniklys 33:18 ပူးပေါင်းရင်းမြစ်များ

1 Myghternedh 11:41

Gwriansow erell Solomon, pup-tra a wrug, ha'y furneth, a nyns yns i skrifys yn Lyver Gwriansow Solomon?

1 Myghternedh 14:19

Gwriansow erell Yeroboam, fatell werryas ha fatell reynyas, yw skrifys yn lyver kovadhow myghternedh Ysrael.

1 Myghternedh 15:31

Lemmyn gwriansow erell Nadab, ha pup-tra a wrug, a nyns yns i skrifys yn lyver kovadhow myghternedh Ysrael?

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Kroniklys 20:34

Gweythresow erell Yehoshafat, a'n kynsa dhe'n diwettha, yw skrifys yn istori Yehu mab Hanani, yw kovadhys yn Lyver Myghternedh Ysrael.

2 Kroniklys 21:2

Ev a'n jevo breder, mebyon Yehoshafat: Azaria, Yehiel, Zekaria, Azaria, Mighal, ha Shefatia; oll an re ma o mebyon Yehoshafat myghtern Yuda.

2 Kroniklys 32:32

Gweythresow erell Hezekia, ha'y oberow a dregeredh, yw skrifys yn gwelesigeth an profoes Ysay mab Amos yn Lyver Myghternedh Yuda hag Ysrael.

2 Kroniklys 33:10

An Arloedh a gewsis dhe Manasse ha dh'y bobel, mes ny woslowsons.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

Ysay 29:10

An Arloedh re dhinewis warnowgh spyrys a hun down: Ev re dhegeas agas dhewlagas, hwi brofoesi; ha kudha agas pennow, hwi welesydhyon.

Ysay 30:10

neb a lever dhe'n welesydhyon, ‘Na welewgh’, ha dhe'n brofoesi, ‘Na brofoesewgh dhyn an gwir, kewsewgh orthyn taklow fekyl, profoesewgh husow;

Amos 7:12

Hag Amasia a leveris dhe Amos, ‘A goelyek, ke, fi dison dhe bow Yuda, ha dybri bara ena, ha profoesa ena;

Mika 3:7

an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

1 Samuel 9:9

(Seulabrys yn Ysrael, pan eth gour dhe wovynn orth Duw, ev a leveri, ‘Dewgh, ha deun dhe'n gwelesydh’; rag an gour neb yw gelwys profoes y'n dydhyow ma o seulabrys gelwys gwelesydh.)