2 Kroniklys 33:13 - An Bibel Kernewek 20234 (Kernewek Kemmyn)

¹³ Ev a bysis dhodho, ha Duw a gemmeras y bysadow hag a glewas y bledyans, hag a'n dros arta dhe Yerusalem ha'y dhaskorra dh'y ruvaneth. Ena Manasse a wodhya bos an Arloedh an gwir Dhuw.

2 Kroniklys 33:13 ပူးပေါင်းရင်းမြစ်များ

Jenesis 25:21

Hag Ysak a bysis war an Arloedh rag y wreg, rag anvap o hi, ha'n Arloedh a glewas y bysadow ha Rebeka y wreg a gonsevyas,

1 Myghternedh 18:39

Pan y'n gwelas oll an bobel, i a goedhas war aga fas ha leverel, ‘An Arloedh, ev yw Duw, an Arloedh, ev yw Duw.’

1 Myghternedh 8:50

ha gav dha bobel re beghas er dha bynn, hag oll aga threuspassow a wrussons er dha bynn; ha ro dhedha truedh yn golok an re a's dug yn kethneth, ma's teffo truedh warnedha

2 Myghternedh 13:4

Ha Yehoahaz a bledyas gans an Arloedh, ha'n Arloedh a woslowas orto; rag ev a welas arwask Ysrael, fatell y's arweski myghtern Aram.

1 Kroniklys 5:20

I a dhegemmeras gweres er aga fynn, rag i a grias dhe Dhuw y'n vatel, ha'n Hagrysi hag oll esa gansa a veu res yn aga leuv, hag ev a wrontyas aga fysadow drefenn i dhe drestya ynno.

2 Kroniklys 12:7

Pan welas an Arloedh i dhe omuvelhe, ger an Arloedh a dheuth dhe Shemaia, ow leverel, ‘Rag i dhe omuvelhe, ny's diswrav, mes my a wront dhedha neb delivrans, ha ny vydh ow sorr meur diverys war Yerusalem dre leuv Shishak.

2 Kroniklys 33:18

Gweythresow erell Manasse, y bysadow dh'y Dhuw ha geryow an welesydhyon kewsys dhodho yn hanow an Arloedh Duw a Ysrael, yma an re ma yn kovadhow myghternedh Ysrael

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

Ezra 7:27

Benniges re bo an Arloedh, Duw agan tasow, re worras mater a'n par ma yn kolonn an myghtern, rag ri enor dhe ji an Arloedh usi yn Yerusalem,

Ezra 8:23

Ytho ni a benysas ha pysi dh'agan Duw rag hemma, hag a woslowas orthyn.

Job 22:22

Degemmer dyskans dhiworth y anow, ha gorr y eryow y'th kolonn.

Job 22:23

Mar tehwelydh dhe'n Ollgalloesek ty a vydh restorys; mar kemmerydh kammhynseth dhiworth dha dylda,

Job 22:27

Ty a bys warnodho hag ev a'th klew, ha ty a gollenow dha ambosow.

Job 36:11

Mar koslowons ha'y servya, i a spen aga dydhyow yn sewenyans, ha'ga blydhynyow yn lowender.

Job 36:9

ev a dhiskwa dhedha an pyth re wrussons, ha'ga hammwriansow a wrussons yn hwoethus.

Salmow 107:13

Ena i a elwis war an Arloedh yn aga foenvos, hag ev a's delivras dhiworth aga ankres.

Salmow 46:10

Bedhewgh kosel, ha godhvydhewgh my dhe vos Duw; my a vydh ughelhes yn mysk an kenedhlow, my a vydh ughelhes y'n nor.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Lavarow Koth 21:1

Kolonn an myghtern yw gover a dhowr yn leuv an Arloedh; ev a's treyl py le pynag y fynno.

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Yeremia 36:7

Y hyll bos aga fledyans dhe dhos a-rag an Arloedh, hag i oll dhe dreylya a'ga drog fordhow, rag meur yw an sorr ha konnar re leveris an Arloedh erbynn an bobel ma.’

Kynvannow 3:56

Klewes ow lev a wrussys, ‘Na dhege dha skovarn dhiworth ow hanasenn, dhiworth ow kri.’

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 4:36

Yn keth prys na y tehwelis dhymm ow skians; ha rag enor ow myghternsys, ow meuredh ha'm splannder a dhehwelis dhymm. Ow husulyoryon ha'm arlydhi a'm hwila, hag y feuv daskorrys y'm myghternsys, ha moy a veuredh a veu keworrys warnav.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Dewteronomi 29:6

Ny wrussowgh dybri bara nag eva gwin na korev, rag may hwodhvowgh ow bos vy an Arloedh agas Duw.

Ebrowyon 8:11

Ha ny wrons i dyski pub huni y gentrevek po pub huni y vroder, ow leverel, “Aswonn an Arloedh”, rag pubonan a wra ow aswonn, a'n lyha anedha dhe'n moyha.