2 Kroniklys 33:11 - An Bibel Kernewek 20234 (Kernewek Kemmyn)

¹¹ Yndella an Arloedh a dhros er aga fynn kaslewydhyon lu myghtern Assyria, hag i a synsis Manasse avel prisner, ha gorra higenn yn y droen ha'y gelmi gans sprallow a vrons ha'y dhri dhe Babylon.

2 Kroniklys 33:11 ပူးပေါင်းရင်းမြစ်များ

2 Myghternedh 20:18

Re a'th vebyon dha honan a vydh kemmerys dhe-ves; i a vydh spadhesigyon yn palys myghtern Babylon.’

2 Myghternedh 21:17

Gweythresow erell Manasse, pup-tra a wrug, ha'n pegh a wrug, a nyns yns i skrifys yn lyver kovadhow myghternedh Yuda?

2 Myghternedh 23:33

Faro Neko a'n prisonyas yn Ribla yn pow Hamath, ma na allo reynya yn Yerusalem, hag ev a veghyas an tir gans trubyt a gans talent a arghans ha talent a owr.

2 Myghternedh 25:6

I a sesyas an myghtern ha'y dhri dhe vyghtern Babylon yn Ribla, ha breus a veu res warnodho.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 21:16

An Arloedh a wrug dhe sorr an Filistysi difuna erbynn Yehoram, ha sorr an Arabyon usi ogas dhe'n Ethiopysi.

2 Kroniklys 36:6

Er y bynn y teuth Nebukadnessar myghtern Babylon, hag ev a'n kargharas rag y dhri dhe Babylon.

Nehemia 9:32

‘Lemmyn ytho, agan Duw, an Duw bras ha galloesek hag euthyk, neb a with kevambos ha tregeredh, na dhyght avel distyr oll an anken ma re dheuth warnan, war agan myghternedh, agan pennsevigyon, agan oferysi, agan profoesi, ha'gan tasow ha war oll dha bobel, a-dhia dermyn myghternedh Assyria bys y'n jydh hedhyw.

Nehemia 9:37

Drefenn ni dhe begha, y drevas rych a dhe'n myghternedh re worrsys warnan; ynwedh i a's teves galloes war agan korf, ha'gan bestes, herwydh aga bodh, ha ni yw yn ahwer bras.’

Job 12:18

Ev a lews kargharow myghternedh, ha kelmi kyngel a-dro dh'aga diwglun.

Ysay 10:8

Rag yn-medh ev, ‘A nyns yw oll ow fennsevigyon myghternedh?

Ysay 36:9

Fatell yllydh treylya dhe-ves fas unn soedhek yn mysk an lyha a servysi ow arloedh, ha ty ow fydhya yn Ejyp rag charettow ha marghogyon?

Kynvannow 3:7

Ev re'm keas ma na allav skapya, ev a'm beghyas gans kargharow poes.

Dewteronomi 28:36

An Arloedh a'th tro, ty ha'n myghtern re settsys warnas dha honan, dhe genedhel na aswonnsys, naneyl ty na'th tasow, hag ena ty a serv duwow erell a brenn hag a ven.

1 Samuel 13:6

Pan welas gwer Ysrael aga bos yn ahwer (rag an lu o gweskys kales), ena an bobel a omgudhas aga honan yn kavow hag yn tell hag yn karregi hag yn bedhow hag yn dowrarghow.