2 Kroniklys 32:8 - An Bibel Kernewek 20234 (Kernewek Kemmyn)

⁸ Yma ganso bregh a gig; mes yma genen ni an Arloedh agan Duw rag agan gweres ha dhe vatalyas agan batelyow.’ An bobel o kolonnekhes gans geryow Hezekia myghtern Yuda.

2 Kroniklys 32:8 ပူးပေါင်းရင်းမြစ်များ

2 Myghternedh 18:5

Ev a drestyas yn Arloedh, Duw Ysrael, ma nag esa denvyth kepar hag ev yn mysk myghternedh Yuda a'y wosa, nag yn mysk an re kyns.

2 Myghternedh 6:16

Ev a worthybis, ‘Na borth own, rag an re usi genen yw moy ages an re usi gansa.’

1 Kroniklys 5:22

Lies a goedhas ledhys drefenn an vresel dhe vos a Dhuw. Hag yth esens trigys yn aga thiredh bys an divroedh.

2 Kroniklys 13:12

Yma Duw genen orth agan penn, ha'y oferysi a's teves aga hirgern rag seni an galow dhe'n vatel er agas pynn. A vebyon Ysrael, na vatelewgh orth an Arloedh, Duw agas tasow, rag ny yllowgh seweni.’

2 Kroniklys 14:10

Asa eth yn-mes rag metya ganso, hag i a arayas aga honan rag batel yn nans Sefatha ryb Maresha.

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

2 Kroniklys 16:7

Y'n termyn na an gwelesydh Hanani a dheuth dhe Asa myghtern Yuda, hag a leveris dhodho, ‘Drefenn ty dhe fydhya yn myghtern Aram, a-der fydhya y'n Arloedh dha Dhuw, lu myghtern Aram re dhienkas dhiworthis.

2 Kroniklys 20:15

Ev a leveris, ‘Goslowewgh oll Yuda ha trigoryon Yerusalem, ha myghtern Yehoshafat: Yndellma y lever an Arloedh dhywgh: “Na vedhewgh ownek na digolonnek orth an routh vras ma; rag nyns yw an vatel dhywgh mes dhe'n Arloedh.

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

2 Kroniklys 32:15

Lemmyn ytho na esewgh Hezekia dh'agas toella na'gas kammledya yndella. Na drestyewgh ynno, rag ny allas duw vytholl a genedhel bynag na ruvaneth bynag sawya y bobel a'm leuv na a leuv ow thasow. Pyseul dhe le y hwra agas Duw a'gas sawya hwi yn-mes a'm leuv!’

Job 40:9

Eus bregh dhis kepar ha bregh Duw, a yll dha lev tarenna kepar ha'y lev ev?

Salmow 118:8

Gwell yw hwilas skovva y'n Arloedh ages gorra fydhyans yn mab-den.

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Lavarow Koth 12:25

Prederi yn kolonn gour a boes warnodho, mes ger da a'n lowenha.

Ysay 30:32

Pub strekys a welenn an geredh a wra an Arloedh y worra warnodho a vydh gans son tabouryow ha sowtris, hag ev owth omladh orta yn batel gans strokosow y vregh.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Ysay 36:18

Na esewgh Hezekia dh'agas toella, ow leverel, An Arloedh a wra agan delivra. A wrug duw vytholl a'n kenedhlow delivra y dir rag leuv myghtern Assyria?

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Yeremia 17:5

Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Yeremia 42:11

Na berthewgh own a vyghtern Babylon, may perthowgh own anodho; na berthewgh own anodho, yn-medh an Arloedh, rag my a vydh genowgh, dh'agas sawya ha'gas livra a'y leuv.

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Oberow 18:10

rag yth esov vy genes, ha denvyth ny wra omsettya er dha bynn rag dha bystiga, drefenn bos dhymm meur a dus y'n sita ma.’

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Dewteronomi 20:3

Y lever dhedha, ‘Klew, Ysrael, yth esowgh ow tos nes dhe'n gas erbynn agas eskerens. Na vedhewgh digolonnek, na berthewgh own, na fyskewgh dhe-ves yn euth, na vedhewgh dyegrys a-ragdha,

Dewteronomi 20:4

rag yth yw an Arloedh agas Duw neb a gerdh genowgh dhe vatalyas ragowgh orth agas eskerens, dh'agas sawya.’

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.

2 Timothi 4:22

An Arloedh re bo gans dha spyrys. Gras genowgh hwi.

Yoshua 10:42

Yoshua a gemmeras oll an vyghternedh ma ha'ga thir yn unn kaskyrgh, drefenn an Arloedh, Duw Ysrael, dhe omladh rag Ysrael.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

1 Samuel 17:45

Mes Davydh a worthybis dhe'n Filistyas, ‘Ty a dheu er ow fynn gans kledha ha gans guw ha gans skoes; mes my a dheu er dha bynn yn hanow Arloedh an luyow, Duw luyow Ysrael, neb re wruss'ta y dhefia.