2 Kroniklys 32:7 - An Bibel Kernewek 20234 (Kernewek Kemmyn)

⁷ ‘Bedhewgh krev hag a golonn dha. Na berthewgh own na bos penndegys a-rag myghtern Assyria hag oll an routh usi ganso; rag yma onan kreffa genen ni es dell eus ganso ev.

2 Kroniklys 32:7 ပူးပေါင်းရင်းမြစ်များ

2 Myghternedh 18:30

Na esewgh Hezekia dhe wul dhywgh trestya y'n Arloedh ow leverel, An Arloedh a wra agan delivra yn sur, ha ny vydh an sita ma res yn leuv myghtern Assyria.”

2 Myghternedh 18:5

Ev a drestyas yn Arloedh, Duw Ysrael, ma nag esa denvyth kepar hag ev yn mysk myghternedh Yuda a'y wosa, nag yn mysk an re kyns.

2 Myghternedh 6:16

Ev a worthybis, ‘Na borth own, rag an re usi genen yw moy ages an re usi gansa.’

1 Kroniklys 22:13

Ena ty a sewen mar kwaytydh gwitha an ordenansow ha'n breusow a erghis an Arloedh dhe Moyses rag Ysrael. Bydh krev, hag a golonn dha. Na borth own, na vydh digolonnek.

1 Kroniklys 28:10

Kemmer with lemmyn, rag an Arloedh re'th tewisas dhe dhrehevel chi rag an sentri; bydh krev, ha'n gwra.’

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

2 Kroniklys 15:7

Mes hwi, bedhewgh krev, ha na esewgh dh'agas diwla bos lows; rag y fydh pewas a'gas ober.’

2 Kroniklys 16:7

Y'n termyn na an gwelesydh Hanani a dheuth dhe Asa myghtern Yuda, hag a leveris dhodho, ‘Drefenn ty dhe fydhya yn myghtern Aram, a-der fydhya y'n Arloedh dha Dhuw, lu myghtern Aram re dhienkas dhiworthis.

2 Kroniklys 20:15

Ev a leveris, ‘Goslowewgh oll Yuda ha trigoryon Yerusalem, ha myghtern Yehoshafat: Yndellma y lever an Arloedh dhywgh: “Na vedhewgh ownek na digolonnek orth an routh vras ma; rag nyns yw an vatel dhywgh mes dhe'n Arloedh.

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

Nehemia 4:8

Hag i oll a vrasas war-barth dhe dhos hag omladh erbynn Yerusalem, ha gul deray ynni.

Salmow 118:8

Gwell yw hwilas skovva y'n Arloedh ages gorra fydhyans yn mab-den.

Ysay 35:4

Leverewgh dhe'n re gans kolonn brederus, ‘Bedhewgh krev, na berthewgh own; otta, agas Duw a dheu gans dial, gans attal duwel. Ev a dheu ha'gas sawya.’

Yeremia 42:11

Na berthewgh own a vyghtern Babylon, may perthowgh own anodho; na berthewgh own anodho, yn-medh an Arloedh, rag my a vydh genowgh, dh'agas sawya ha'gas livra a'y leuv.

Daniel 10:19

Yn-medh ev, ‘Na borth own, A wour karadow; kres re bo genes; bydh krev, ha bydh pur grev.’ Kettell gewsis orthiv, y feuv kennerthys, hag y leveris, ‘Re gowsso ow arloedh, rag ty re'm kennerthas.’

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Zekaria 8:9

Yndellma y lever Arloedh an luyow: Bedhes krev agas diwleuv, hwi neb a glew y'n dydhyow ma an geryow na dre anow an brofoesi y'n termyn may feu grondys chi Arloedh an luyow, rag may fo drehevys an tempel.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Dewteronomi 31:23

Ha'n Arloedh a ros charj dhe Yoshua mab Nun, ow leverel, ‘Bydh krev ha bydh kolonnek, rag ty a dhre mebyon Ysrael dhe'n tir a des vy y ri dhedha; ha my a vydh genes.’

2 Timothi 2:1

Ty, ow flogh, bydh nerthek gans y'n gras usi yn Krist Yesu;

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.