2 Kroniklys 32:5 - An Bibel Kernewek 20234 (Kernewek Kemmyn)

⁵ Hezekia a gemmeras kolonn, hag a dhastrehevis oll rannow an fos o koedhys yn-nans, hag a dhrehevis touryow warnedhi, ha tu a-ves dhedhi ev a dhrehevis fos arall; ha dres henna ev a grevhas Millo yn sita Davydh, hag ev a wrug arvow ha skoesow, pals anedha.

2 Kroniklys 32:5 ပူးပေါင်းရင်းမြစ်များ

2 Samuel 5:9

Ena Davydh a dhallathas triga y'n dinas, hag ev a'n henwis sita Davydh. Davydh a dhrehevis a-derdro dhiworth an Millo ha war-ji.

1 Myghternedh 11:27

Hemm yw an reson ev dhe rebellya erbynn an myghtern. Solomon a dhrehevis an Millo, ha degea an aswa yn fos sita y das Davydh.

1 Myghternedh 9:24

Wosa myrgh Faro dhe dhos yn-mes a sita Davydh dh'y chi hy honan re dhrehavsa Solomon rygdhi, ev a dhrehevis an Millo.

2 Myghternedh 12:20

Y wesyon a sevis ha gul bras, ha ladha Yoash yn chi Millo, war an fordh a dhiyskynn dhe Silla.

2 Myghternedh 25:4

Ena aswa a veu gwrys yn fos an sita. Oll an soudoryon eth yn-mes y'n nos der an yet yntra diw fos, ogas dhe lowarth an myghtern, ha'n Kaldeanys ow kyrghynna an sita. I eth war an fordh troha'n Araba.

2 Kroniklys 12:1

Pan veu fastys myghterneth Rehoboam hag ev o gyllys krev, ev a forsakyas lagha an Arloedh, ev hag oll Ysrael ganso.

2 Kroniklys 23:1

Mes y'n seythves blydhen Yehoyada a omgrevhas, hag a wrug kevambos gans kaptenyon an kansow, Azaria mab Yeroham, Yshmael mab Yehohanan, Azaria mab Obed, Maaseya mab Adaya hag Elishafat mab Zikri.

2 Kroniklys 25:23

Yoash myghtern Ysrael a synsis Amasia myghtern Yuda mab Yoash mab Ahazia yn Beth-shemesh dhiworth Yet Efraym dhe Yet an Gornell, ha'y fellder o peswar kans kevelin.

2 Kroniklys 26:8

An Ammonysi a ros trubyt dhe Uzzia, ha'y vri a lesas bys or Ejyp, rag gyllys fest krev ova.

2 Kroniklys 33:14

Wosa henna ev a dhrehevis fos tu a-ves rag sita Davydh, a'n howlsedhes dhe nans Gihon, owth hedhes dhe'n entrans Yet an Puskes; ev a's gorras a-dro dhe Ofel, hag a's drehevis dhe ughelder bras. Ev a worras ynwedh kaslewydhyon an lu yn oll an sitys kerys yn Yuda.

Lavarow Koth 25:28

Avel sita folsys hy fosow yw den na'n jeves omvaystri.

Yeremia 39:4

Ha pan y's gwelas Sedekia myghtern Yuda hag oll an soudoryon, i a fias, ha mos yn-mes a'n sita y'n nos, dre fordh lowarth an myghtern, der an yet ynter an dhiw fos; hag ev eth war-tu ha'n Araba.

Yoel 2:8

Ny wrons i gwaska an eyl erbynn y gila; pubonan a gerdh yn y hyns y honan: stevya a wrons yn mysk kowas a sethow, heb treylya a-denewen.

Breusysi 9:6

Ena oll arlydhi Shekem hag oll Beth-millo a omguntellas, hag i eth hag a wrug Abimelek myghtern, orth an dherwenn ryb an peulven yn Shekem.